分類：最新

今日（1日）是張國榮（哥哥）死忌，他生前的摯愛唐鶴德（唐唐）今日凌晨於社交平台，上載哥哥主演的舊作《阿飛正傳》片段作懷念，當中哥哥稱：「我咩（什麼）都不想要，只係想要你留低。」唐唐留言道：「今天是復活節 真的嗎？」一句勝千言萬語，足見唐唐對哥哥思念之情，從未變改。

張國榮逝世已21年，仍有不少香港及來自各地的「哥迷」，到當年哥哥墮樓身亡的中環文華東方酒店外悼念，「哥迷」送來的花牌別出心裁，包括有心形，代表Leslie的L字形、用花設計成「榮」和「想你」中文字等，也有手繪肖像畫、多隻紙鶴，亦擺放有張國榮《霸王別姬》造型照，數名「哥」迷甚至帶同樂器，在酒店附近空地演奏哥哥歌曲，酒店外現場有警員維持秩序。

至張國榮當年傍晚6時43分墮樓一刻，有現場「哥迷」低頭默哀。李先生表示十多歲已喜歡張國榮，特別鍾情「哥哥」1995年後復出的歌曲《左右手》、《這些年來》、《今生今世》及《夢死醉生》等作品，他指至今對偶像離世仍感到傷痛。

劉培基貼合照憶故友

曾為張國榮演唱會擔任形象顧問的著名形象設計師劉培基，於在社交網貼出與哥哥的合照，寫道：「有些人和事，我們年輕的時候無法懂得。當我們懂得的時候不再年輕。他說話的眼神，會讓你心疼。」

倪詩蓓失戒指感婉惜

而張國榮（哥哥）初戀女友的倪詩蓓（Annie）日前接受潘紹聰《恐怖熱線》訪問，回憶得悉對方死訊的反應。問到Annie當時有沒有覺得是什麼一回事？Annie表示：「我先收到電話，那天4月1日（愚人節），我以為講笑，所以好嬲。我同我朋友講『你無啦啦點解要講他，同埋講這種事。』之後睇新聞證實。在我心目中，哥哥只是出國，去了第二個地方。」她婉惜表示哥哥當年曾送給她一隻戒指，惜經歷多次搬屋，早年已遺失。

阮兆祥、李思捷、王祖藍主持香港首個扮嘢真人騷《福祿壽訓練學院》今晚（31日）推出，扮嘢形象深入民心的福祿壽，將在全新節目升呢導師，分別飾演Professor Fuk（阮兆祥）、Professor Luk（王祖藍）及Professor Sau（李思捷），在五十名入圍者中挑選最具潛質及實力的扮嘢王成為頂級接班人。

相隔六年再度合體參與綜藝節目製作的三子，為節目開頭表演獻上以城中話題人物為藍本的全新扮嘢造型—「2B一癡」：「癡情基」、「美B」及「光B」。三個造型之中，以祖藍的「癡情基」最為吸睛，無論髮色、髮型、眼鏡、衣着、甚至是手中長期的住的白色膠袋，都能神還原本尊；「癡情基」另一半雖由靚女舞蹈員扮演，但該舞蹈員同樣有扮嘢天份，無論髮型、神情、肢體動作及笑容均神倒模本尊！另祥師兄的「美B」及思捷的「光B」造型亦與本尊似到十足，思捷更刻意劃大「鼻哥窿」、長期彎腰兼依起棚牙向扮演的話題人物致敬，相當抵死。

除了導師，兩位「扮工室助理」陳懿德（ 德德）及郭珮文（Juliana）亦施展渾身解數發放笑彈，身為「東張女神」之一的德德，放下港姐包袱畫綠面扮竹之餘，由於肩負「龐然大竹」，由出場開始已處處碰壁，除入場時Kick住Kick住，在台上又因動作太大多番意外「襲擊」Juliana，名副其實「生人勿近」，德德更瘋狂爆笑自嘲：「人哋塞車，我塞竹」及「I am just a 竹」。

至於Juliana同樣搞鬼，首度擔任節目主持的她未知是否仍有點怯場，多番出現語障慘況，要德德幫忙解圍，祖藍笑言：「你嗰啲唔係講解，係翻譯，我唔係好聽得明佢（Juliana）講乜。」

此外，首個海選回合的50位入圍者，將輪流上場獻技，並由三位導師輪流憑對各單位參賽者代號的直覺「盲選」決定。雖然精英雲集，可惜思捷卻連環「中大伏」，不斷揀中「最惡搞零潛質」入圍者，飽受祖藍及祥師兄嘲笑的同時，還多番驚現嚇到口都合唔埋的搞笑「天然呆」表情，甚至一度激氣至追打祖藍，場面爆笑。

吳沚默（Momo）出席新劇宣傳活動，透露將「升呢」為內地劇集首次擔任編審，坦言覺得責任大，但幸好可以把控整個故事劇本，即使辛苦仍感開心。

劇集《逆天奇案2》下周一（4月1日）晚播出，一眾演員陳展鵬、劉佩玥、馮盈盈、張頴康、吳沚默等今日（29日）到將軍澳一個商場宣傳。Momo透露劇中需要怒打飾演「小三」王家慧，她笑說：「我發現上次打了『小三』之後，就不停有這些打『小三』角色今次又是打到飛起。呢個角色有得發揮。」

提到《逆天2》是總監劉家豪榮休前的最後一部作品，她謂之前已分別與對方及其太太梅小青合作，今次雖然戲分不多，但多謝劉家豪她這個演出機會，自己亦感到很高興。

曾為《老表》系列擔任編劇的Momo，表示近期忙於為一套內地劇擔正編審：「這幾天會開機。我第一次做內地劇編審，覺得自己責任好大，因為始終是一套頗大投資的劇。感覺好好，因為成個故事都是自己，可以把控到。所以雖然辛苦但好開心，同好期待。」

陳展鵬出席新劇宣傳活動，對於今次是總監劉家豪榮休前最後作品，他希望劇集能有好收視，令家豪哥感到圓滿。

劇集《逆天奇案2》下周一（4月1日）晚首播，一眾演員陳展鵬、劉佩玥（Moon）、馮盈盈、蔣祖曼、張頴康、郭柏妍等今日（29日）到將軍澳一個商場宣傳。張頴康與Moon於上輯飾演大反派，最終張頴康染上毒癮，Moon則死去。對於Moon將於續集中「復活」，她在台上笑言：「當然不會是屎橋，孖生姊妹咁復活啦！」據悉，今輯會有不少「彩蛋」，其中馬國明更會於宣傳片驚喜現身。

對於上輯口碑不俗及大結局有30.2點收視，問到對今輯收視可有信心，展鵬相信觀眾會喜歡收看：「 好難用收視去衡量，這幾年好多不同選擇，大家好多渠道睇大家鍾意嘅劇集節目。但台前幕後好用心認真製作這個續集，我相信觀眾是會看得出。」提到《逆天奇案2》是總監製劉家豪榮休前最後一部作品，展鵬表示：「我相信不只我，好多觀眾都會感不捨。因為家豪哥陪伴港劇半個世紀，有好多經典劇目。」他讚劉家豪的劇集膾灸人口，又經典又有正能量，令觀眾好有回憶：「希望《逆2》收視會家豪哥感到圓滿。」

至於上集因拆散「逆天CP」，而被觀眾狂鬧「國民妖精」的的馮盈盈，透露續集的角色將有大轉變，與高鈞賢有感情線，笑言希望「洗底」變成「國民人妻」。

無綫藝人文頌男（Koba）自揭在椎間近盤骨附近位置確診肉瘤後，全面停工休息及接受治療。他昨日再出PO分享新病況，指經歷五次化療後，醫生宣佈治療無效，腫瘤未有縮小反而變大，坦言又近死亡一步：「我好唔想離開你哋！」

文頌男在去年底公開他身患罕見的惡性尤文氏肉瘤，消息震驚許多粉絲和觀眾，至目前仍正接受治療，惟面對龐大醫藥費，他一度公開尋求援助。在與病魔的鬥爭中，他透過社交網IG一直分享抗癌經歷。儘管化療過程艱難，他仍然堅強地面對，並開始他的網上直播生涯，以此與網友互動及分享經歷，訴說心聲，也希望能借此陪伴他渡過休養日子。

不幸地，報告最近顯示化療非未達預期效果，病況反有惡化跡象，對他而言無疑是沉重打擊。他昨日在社交平台上分享照片，並寫下心路歷程，直播過程中見到他身形明顯更消瘦，面色稍顯憔悴，頭髮剃光。他引述醫生指，已做過五次化療仍未見療效，反而「腫瘤還要增大了一點」，建議他放棄化療，「準備做電療啦」。消息讓他感到十分失落，但他仍然堅強地面對，並表示他將繼續與病魔抗爭下去。他謂當刻心情「好似跌咗落深淵」。他坦言真係好驚，「感覺距離死亡又近咗一步」，並感慨說：「我好唔想離開你哋。」

文頌男社交平台全文：

經歷咗第一階段嘅治療，做咗五次嘅化療，但係治療無效。照咗磁力共振，發現個腫瘤唔單止冇縮細，仲變大咗少少。喺呢個時間點，我想分享少少自己嘅真實想法同感受。

做咗五次化療，每一次都好似經歷生死，肉體上好難受好辛苦，而且所有毛髮都甩晒，個樣好似妖怪咁，到後期仲開始痛返。我真係覺得好無奈，好似咁辛苦但係完全冇意義。另一方面，到真正聽到醫生話：「個治療冇乜效果、個腫瘤仲要大咗少少，最後一次化療都唔好做喇，準備做電療啦。」嘅時候，我心情喺嗰刻好似跌咗落深淵。同時，我真係好驚，感覺距離死亡又近咗一步，而且可能唔係死咁簡單，係會死得好痛苦，因為我嘅下肢 、盤骨附近嘅位置係越嚟越痛，痛到開始連嗎啡都冇辦法舒緩到，身體仲會不自覺抽搐，有啲身體部位已經變得麻木，排泄方面都開始出現好多問題（呢部分太羞恥都唔想講太多），我開始有種感覺係「我活得好冇尊嚴」，因為行動不便、痛，每日都係喺屋企對住四埲牆，幾乎零社交、零工作，每日都活得好似好無意義咁。我成日都好驚，我真係好驚，好驚，好驚可能臨死前會半身不遂、全身插滿喉管、無時無刻都伴隨住巨大嘅痛楚、意識唔清醒又表達唔到自己。

捱咗咁耐、咁辛苦、無一刻可以放鬆，有時唔知為咗乜嘢。我咁大個人，都未活得輕鬆過。由細到大都遇到唔同難關同挑戰，就算每次嘅挑戰都越嚟越困難，但我都靠自己一一跨越過，但個天就好似好想我死咁，唔肯放過我，唔想畀我輕鬆。喺我以為終於生活可以穩定啲嘅時候，又畀咗呢一個難關我，而今次我覺得我真係控制唔到，冇辦法靠自己去解決。就算我想放棄，但其實根本唔知可以點放棄。我未死嘅話，我只能夠選擇堅持。依家我每日都痛、非常痛，無一刻唔痛，每日度日如年，我唔知幾時可以開始電療、幾時先可以舒緩到我嘅痛楚，我只係盼望可以快啲唔痛。

我諗好多癌症病人即使表現得有幾堅強、幾樂觀都好，都會有我以上類似嘅諗法。但會咁樣諗唔代表我放棄，我仍然好努力對抗呢個病，即使幾唔想食嘢，都逼自己食；即使幾痛都好，都逼自己要郁吓，唔好畀啲肌肉退化得咁勁。呢段時間雖然我喊好多，但喺可以笑嘅時候，我放聲笑；想講咩嘅時候，盡情去講，唔會再收收埋埋，因為有啲嘢，依家唔做，以後唔知仲有冇機會做，唔諗咁多未來，活在當下，享受依家仲有嘅嘢。

我仍然好熱愛我嘅拍攝、演出工作。好希望有一日可以康復、行動自如，可以繼續返呢啲工作。亦都好想繼續可以留喺我愛嘅人身邊、我嘅朋友、家人。我多謝我嘅家人、朋友、我最愛嘅好兄弟、老闆、同事同喺網絡上唔認識但默默打氣嘅所有人，你哋一直支持我、照顧我、體諒我。我愛你哋，我好唔想離開你哋。

麥惠琪哭成淚人

Koba早前參與拍攝治療前最後一次主持清談節目《不正常愛情研究所》今晚（28日）播出，兩位主持麥惠琪（Susuca）及黃紫恩（Jojo）分別為患病的Koba送上祝福，Susuca講到對Koba的印象時表示︰「初初識你嗰個月開廠就傾偈，知你又拍拖又分手。有日見到你腰痛不停問你咩事，後來你公布患病消息，咁細個就要經歷咁多嘢，加油快啲好返，做你想做嘅事。」接住她在節目中哭成淚人，反過來要Koba安慰。