王浩信及姚子羚等主演的新劇今晚（29日）首播，劇集監製張達明大讚王浩信演技好。講到到新版與舊版的最大分別，他笑言是王浩信比他高大靚仔同威猛！
新劇《狀王之王》是無綫1997年首播劇《狀王宋世傑》的前傳，當年由張達明飾演宋世傑及郭藹明飾演白玲瓏。時隔27年，新版「狀王」的宋世傑及玲瓏角色換上王浩信及姚子羚，張達明則升呢演宋世傑養父宋安、對宋世傑有着重要影響之餘，更是劇集監製。
談到相隔多年再度參演以宋世傑為主題劇集，並增添劇集監製身份，張達明坦言感覺相當不同：「今次角色最唔同係好多特別嘅造型同化妝，是超乎想像。以前演宋世傑時話晒自己第一次做劇集主角，所以要顧掂自己啲台辭同演法先，冇乜點理其他嘢。今次做監製最大分別就係要顧好多嘢，由拍攝方法、搵演員、演員配搭等都要處理，希望可以創造出新嘅經典組合。」
談到新任宋世傑王浩信，達明讚不絕口：「他好稱職，演技好、夠投入同想像力好豐富，我與他都去過外國上演技深造班架。他好多動作都比我強，因為夠高大。這套劇我主要教他玩把扇，其實以前我都不是專登為宋世傑個角色去學玩扇，而是剛巧在演藝學院學了一些京劇的技能，就將學了的融入個角色度。而我教完浩信後，他即刻想到如何用自己的方法去玩，仲要好『估你唔到』的。」
談到新版最大分別，達明笑言是王浩信：「比我高大靚仔同威猛好多咯！」並保證新版保留不少舊版可觀元素：「第一姚子羚同郭藹明一樣咁靚同咁打得！宋世傑同玲瓏都會攜手查案同有好多奇遇，他們會全力以赴打破困局、搵出他們想知的真相。」
