發表於 
由《就是青春》出道的新人梁樂童（Stephanie），最近拍攝第二首單曲《承蒙錯愛》MV（https://youtu.be/1sGktTodYyU?si=VTAdB8HA2PATWc5t），她開心表示：「今次拍攝繼續有型男相伴，公司俾咗好好嘅福利我，希望以後繼續。」

要拍攝一段開心甜蜜的感情，當然少不了親密場面，Stephanie 怕羞說：「知道係會有一啲拖手攬住嘅鏡頭，不過有上一次嘅經驗係會好啲，當然仍然有啲緊張。最期待係一個枕頭大戰嘅劇情，呢樣嘢應該只會係拍攝見到，相信唔會喺屋企做，因為要自己執手尾，好彩自己對羽毛冇敏感。」

 

 

對於Stephanie 連續兩首新歌拍攝都遇上颱風，可謂貴人出門招風雨，「上一次係打風前夕，今次好彩開始落風球，大家拍攝前嗰幾日都好緊張，好擔心唔知會唔會可以趕及拍攝，導演都準備咗 plan B 俾我，務求希望唔會影響進度，不過就比同事笑我係『風女』。」

 

《承蒙錯愛》是Pop Rock風格情歌，講述一段甜蜜關係因男主角外遇而終結；歌曲同時為HOY TV劇集《凌雲志》香港版主題曲。

Stephanie興奮表示「估唔到咁快已經再有新歌，好鍾意今次呢首歌嘅風格，完全係自己鍾意嘅種類，都係一首傷感情歌，但就有少少 Pop Rock 嘅風格，好正好啱我。」

 

發表於 
洪永城今晚（12日）出席新劇演員飯局，透露早前被女兒傳染手足口病，口腔生了40粒痱滋。他謂休息一星期仍未回復元氣，更笑言當時辛苦到想好寫遺書。

 

無綫台慶劇《香港人在北京》一眾演員陳展鵬、吳若希、洪永城（Tony）、吳業坤（坤哥）、吳沚默及戴祖儀等人，今晚於圓方一間火鍋店相約睇劇集。洪永城與坤哥一同接受訪問時，透露二人會趁不需拍攝時去健身及打籃球，Tony更指坤哥身型其實好fit及結實：「好多嘢舉到，我完全舉不到。」坤哥亦笑言今次拍攝發現洪永城是「老波棍」：「他打法非常慳水慳力，但又攞好多分。」他指二人雖然於劇中未有太多對手戲，但會有運動上的交流。

 

洪永城與吳業坤一同接受訪問。（蘇震揚攝）

 

洪永城透露早前被女兒傳染手足口病：「真係好辛苦，我冇嘢做時有去數，口腔有40粒痱滋，諗起都痛。（休息咗幾耐？）一星期但元氣未完全康復。（拍新劇《飛常日誌》受影響？）有少少，但攝製隊好好，知我病都畀我休息。」他更笑言辛苦到令他想開始寫定遺書。

 

洪永城話畀囡囡傳染手足口病，口腔生咗40粒痱滋。（蘇震揚攝）

 

吳業坤去年與日籍太太濱口愛子（Aiko）結婚不久，便到國內拍攝《香港人在北京》，問到二人可有掛念愛妻，洪永城則謂但透過視像直播夕陽給太太看，而坤哥表示當時「七夕」有訂花給太太。

 

吳業坤（右）於劇中與戴祖儀有對手戲。（蘇震揚攝）

 

講到日前於社交平台上載妻子的「愛心便當」，飯盒中的烚蛋及飯呈現「瘀紫」色，賣相相當嚇人。坤哥仲留言表示「日子要繼續」，更於留言欄補充說：「打開個盒嚇親。」令網民懷疑他「曲線」踩老婆廚藝，不少網民留言問他：「係咪得罪老婆系列？」、「老婆整嘅點都要食晒」等。坤哥解釋說：「因為我依家減肥，啲紫薯焗住啲汁撈咗落啲飯，我放咗上網老婆就嬲。（點氹返佢？）呢幾日大家見到我放番啲好靚嘅料理。」在旁的Tony笑言要送「包包」補鑊。

 

吳業坤上載太太炮製的「愛心便當」，變成激嬲老婆事件。（吳業坤 IG 圖片）
發表於 
吳沚默（Momo）及戴祖儀等人今晚（12日）出席台慶劇飯局，Momo大爆吳業坤（坤哥）於內地拍攝時，不敢住酒店尾房。坤哥解釋因房間有大量蜘蛛才要求換房。

 

無綫台慶劇《香港人在北京》一眾演員陳展鵬、吳若希（Jinny）、洪永城、吳業坤、吳沚默及戴祖儀（ Joey ）等人，今晚於圓方一間火鍋店相約睇劇集。Momo早前被拍到於大圍新商場一間咖啡店，向一名貌似林德信的咖啡師，了解炒咖啡豆過程，又即場學沖咖啡。她解釋當日去學製作咖啡，但否認暗冧對方：「我都想另一半識沖咖啡畀我飲。但唔係同佢一齊（拍拖），人哋可能有女朋友。」她又謂自己經常要喝咖啡提神，故一向有鑽研咖啡的習慣。

 

吳沚默（ 左）及戴祖儀爆吳業坤要換酒店房。（蘇震揚攝）

 

戴祖儀日前於社交平台上載拍攝《香港人在北京》期間，於酒店房間與吳沚默及Jinny徒手開榴槤，最終由Joey以「男友力」成功開榴槤，她說：「得我一個開到咋，佢哋喺度尖叫。」MoMo更大爆吳業坤在內地拍攝時害怕住酒店尾房，更與對方調房。在旁的Joey笑說：「佢應該唔係驚人，係驚人以外嘅嘢。」

 

戴祖儀（左）於劇中與吳業坤有對手戲。（蘇震揚攝）

 

對於被爆要求換房，坤哥受訪時指因房間有大量蜘蛛：「我間房有問題，朝早張枱乾淨，但拍完一日返去舖晒蜘蛛網，瞓唔到所以要求換房。但住到最尾劇組同我講有內地演員都轉房，原來有鬼。好彩住到最後先同我講，如果唔係唔知轉去邊度。」

 

《香港人在北京》一班演員齊齊出席飯局。（蘇震揚攝）
發表於 
繼人氣男團MIRROR成員王智德的後援會上月底停運後，另一成員呂爵安（Edan）的後援會突然宣布解散重組。消息指後援會爆發內訌，有粉絲不滿未能參與偶像活動。Admin團隊表示在完成交接後將解散，並交代後續活動安排。

 

Edan的後援會EDAN LUI FAN CLUB（EFC）在社交網上爆出風波，有粉絲指責Admin團隊稱呼他們為「白卡」並設立「白卡名單」，導致他們無法參與活動。事件曝光後，大批粉絲對此感到非常不滿，開始在社交網上洗版使用各種相關的hashtag。

 

呂爵安（資料圖片）

 

直到昨晚（8日），後援會發出一份聲明，表示「現屆團隊將在完成交接後解散，所有會員的會籍將被保留並過渡至下一任團隊。」同時，他們也將暫停出售周邊產品，並退款之前的訂單。銀行戶口將在進行年度審計後取消，餘下的款項將以呂爵安的名義捐出。同時，他們也歡迎有意接任的人組建新團隊，並向Edan致以歉意，感謝他一直以來的支持。

其實早在去年6月，後援會就曾經發生過一次內部糾紛，當時有些粉絲要求更換Admin，但Edan曾被告誡不要插手此事。

發表於

許光漢因為《想見你》在韓國播出後掀起旋風，所到之處都吸引大批粉絲包圍。他本月2日飛到韓國準備拍韓劇，雖然行程沒有公開，仍被粉絲查到而被大批韓粉包圍。許光漢在沒有保安人員的保護下被簇擁至寸步難行，不少網友都感到相當心疼。

發表於 
無綫小花林穎彤（Bella）因緋聞男友鄭雋熹捲入JPEX詐騙案，從而揭發二人今年8月初牽涉另一宗案件，被控「阻礙公職人員」及「在公眾地方作出擾亂秩序的行為不檢」，二人今早（6日）以「情侶裝」出庭應訊。對於昨日於社交網站指自己無理被拘捕，要求當局徹查，她指已以獲法律團隊同意。至於二人的關係，她與鄭雋熹均異口同聲表示「好朋友」。

無綫藝員鄭雋熹因涉虛擬資產交易平台JPEX的詐騙案，日前被警方拘捕。同日被揭發今年8月的涉及另一宗案件，而女藝人林穎彤及1男2女亦涉案，六人被控「阻礙公職人員」及「在公眾地方作出擾亂秩序的行為不檢」兩罪。案件今早於粉嶺裁判法院續審。

Bella身穿白色上衣及黑色長褲，於早上9時10分抵達法院，神情輕鬆又企定讓記者拍照。而同樣身穿白衫黑褲的鄭雋熹則於五分鐘後到場，停低影相後表示要趕入法院，未有回應提問。控方於庭上要求將案件押後，以作進一步調查，獲准而原有條件保釋，案件將於11月17日再訊。

 

林穎彤抵達法院應訊。（蘇震揚攝）

 

《大千視界HK》記者於Bella被爆涉案後，曾聯絡她了解事件，惟未獲回覆。她昨晚終於在社交平台公開案情，她表示今年6月至8月初期間「本着人性仁愛、正義無私之心，自發決心見義勇為地去幫助一名在兒童村內身心飽受傷害的無助女童」，至8月初該女童再次多次被襲擊，成功為女童爭取去醫院驗傷，但她們六人在等候女童期間被無理拘捕。她更表示當時「甚至被一位健碩的男警員蓄意推跌襲擊」，令她差點跌倒在地，又指「一切過程，醫院內的CCTV（閉路電視）可以舉証（證）的」。她在聲明中要求特首關注此事，儘快派遣專員調查整件事實真相，還他們清白和公道。

Bella昨日約11時15分離開法院接受訪問，對於案件押後審訊，她說：「都係番意思，我哋同意押後。（因為你發公開信畀特首，而令控方重新調查案及押後案件？）唔會特別咁諗，唔會猜測佢哋意思。」問到發文可會擔心妨礙司法公正嗎，她說：「我有問過法律團隊嘅意見，經過佢哋同意。（覺得自己喺成件事上好冤枉？）我自己單親家庭長大，好明白媽媽同嗰女嗰份情。所以如果我見到唔公義事情就會幫。」至於可有向無綫交代事件，Bella稱未有詳細傾談，但會同經理人傾及聯絡公司。

 

案件押後至11月17日再訊，林穎彤離開法院時接受訪問。（蘇震揚攝）

 

提到鄭雋熹用她的名義找其他人投資JEPX，她拒絕評論事件，警方仍未曾聯絡她，她自己亦不擔心會捲入事件中：「同我聲明一樣清者自清，我問心無愧。（知唔知鄭雋熹有搞JEPX？）交番畀佢自己答，唔去評論佢嘅嘢。（同佢拍拖？）係朋友，好朋友。」提到她手名牌手袋到庭，會否擔心再被指忽然富貴，Bella說：「唔係。我做咗呢行好多年，我童星入行十幾年。（唔驚畀人話有關係？）唔係咁樣，佢哋要誤會或點評論我冇辦法。」

 

鄭雋熹與林穎彤傳出緋聞，但林穎彤指二人是「好朋友」關係。（鄭雋熹 IG 圖片）

 

至於鄭雋熹離開時表示心情OK，對於涉及JPEX一案，他說：「現階段成件事都調查緊，所以我唔可以評論。（報道話你係集團成員？）調查緊我都唔可以講，但時間會證明。（呢兩日瞓唔到？）冇。（擔心？）我心情OK。（無綫有冇搵你？）我冇回應。」此時他指召喚的的士已到，記者追問他與Bella的關係時，他與Bella口徑一致，稱對方為「好好嘅朋友」。

 

鄭雋熹拒回答JEPX案件。（蘇震揚攝）

 

案件編號：FLCC1296/2023

發表於 
無綫花旦黃智雯（Mandy）今日（5日）突然宣布成為人妻，於社交網站大晒婚照，幸福滿。她受訪時開心地表示終於可以實現旅行結婚。而她是繼胡蓓蔚及胡杏兒後，成為第三位「胡說八道會」中的人妻。

黃智雯今日在毫無預警下，於社交網站上載三張與圈外男友的結婚照，包括身穿婚紗手持花球、為男友整理衣領及男友為她戴上婚戒，非常甜蜜。她留言表示：「一直深信我是個很幸運的女孩，身邊總包圍着愛錫自己的人，在被愛的環境下溫暖成長。感恩 有你。」更以hashtag宣布「#我們結婚了」。消息一出，不少圈中好友及粉絲紛紛留言送上祝賀。

 

黃智雯 IG 圖片

 

Mandy接受《大千視界HK》訪問時，她以短訊回覆：「多謝大家嘅祝福！因為另一半係圈外人，所以對感情事一直保持低調，希望大家諒解。我們一直都有旅行結婚的計劃，喜歡簡約純粹一點，好感恩今年終於實現到啦！回港後亦已和家人慶祝分享喜悅。」至於Mandy的「胡說八道會」好姊妹姚子羚受訪時說：「佢哋拍拖多年早已經係一對，見到佢哋嘅婚禮、婚紗相更完美！」

 

黃智雯 IG 圖片

雖然Mandy未有正式公開丈夫的身份，但據知男方叫詹文天（Anthony），曾任謝瑞麟珠寶集團副董事，亦曾於業界獲得多個重要獎項。不過有傳他於數年前已經轉職保險公司市場營銷高層。雙方於2012年相識，拍拖多年來一直感情穩定，前年更指Mandy已搬入男友的東半山二千萬豪宅同居。雖然男方家底豐厚，但Mandy堅持自己財政獨立。二人今年終於結束11年愛情長跑，Mandy正式成為詹太。

 

黃智雯 IG 圖片

 

 

發表於 
陳豪及陳茵媺（Aimee）首次以「夫妻檔」合拍新劇，九年未有拍劇Aimee除了要應付大量動作戲及將頭髮剷青外，更要紮胸以男裝上陣，她說：「真係抖唔到氣！」

 

無綫台慶劇《羅密歐與祝英台》自去年九月開鏡後一直備受矚目，除因陳豪及陳茵媺相隔11年再於同劇同框，亦是Aimee闊別視壇九年後的回歸之作。為打響復出頭炮，監製陳維冠為Aimee度身訂造極有記憶點角色，除要一人分飾性格截然不同的孿生兄妹外，更要史無前例應付大量開槍及動作場面。

 

陳茵媺呢個髮型放番落嚟之後，相對女性化同溫柔得多。

 

直言「真係似男人」

為迎接前所未有新挑戰，Aimee早於劇集開拍前一年已秘密練兵，學習跆拳道練習踢腿及增強柔軟度之餘，更落力操gym鍛鍊體能，加上為期三個月的專業動作特訓，認真度100分。

 

陳茵媺為了是次復出做足準備，更早於開劇前一年已學定跆拳道打好個底，十分專業。

 

Aimee的角色造型亦是花盡心思，據知單是髮型已花了不少時間及心機，皆因為配合動作場口，相關髮型在不能借助假髮的前提下，要做到同時適合切換為男裝及女裝，難度頗高。在種種限制及考量下，監製於開劇前一、兩天落實以剷青解決問題，紮起來是男裝、放下來是女兒身。Aimee笑指當得悉要剷青後不無擔心，幸好最終效果有型又自然：「個造型好出，望住鏡入面嘅自己，都覺得真係似男人。」

 

呢個髮型紮起咗就係男裝，放番落嚟就係女兒身，設計相當有心思。（陳茵媺 IG 圖片 ）

 

減十磅為更上鏡

自認完美主義的Aimee，為令角色更有說服力，除減肥十磅讓自己更上鏡，又應監製要求刻意壓低聲線及紮胸女扮男裝上陣：「紮咗胸真係抖唔到氣，加埋我好多動作場口，個能量消耗好大。」

 

陳茵媺為咗呢個男裝角色，應監製要求紮胸上陣。

 

久未拍劇的Aimee，透露復工初期壓力爆煲：「都有成十年（實為九年）冇拍劇，好多嘢要真正埋番位再熟絡番要一段時間，壓力好大。我記得第一日已經拍咗十幾場，之後連續四、五日都係十場十場咁拍，好似發緊夢咁，啲燈照住自己時，連講對白都好緊張，我未試過咁緊張嘅。我記得第一日最尾二嗰場仲要喊，我心諗Oh My God，我九年冇拍戲，但第一日就有喊戲…嗰時我瞓又瞓唔到、食又食唔到，好似失戀咁。」談到與老公陳豪首度以情侶兼夫妻檔上陣便要拍攝親熱戲，Aimee甜笑表示十分尷尬：「我擔心咗好耐，因為平時錫唔會有咁多人睇住，係有啲緊張。」

 

陳茵媺與陳豪夫妻檔為無綫拍攝宣傳片，席間談到以真夫妻身份拍攝親熱戲時，陳茵媺忍唔住係咁尷尬傻笑，相當可愛。

 

至於陳豪飾演的角色亦別具特色，雖然實際上是一名神槍手，但表面望落市井又狡猾，別號「萬事通」的他一人包辦神父、包租公、裝修工人及通渠佬等多重身份，但卻周身刀冇張利，陳豪受訪時亦坦言角色很搞笑：「呢個角色其實充滿人情味，佢係一個有義氣嘅醒目江湖仔，槍法好勁，但整體又好似好渣咁，總之就好複雜估你唔到啦。」

 

陳豪嘅角色表面上卻係市井之徒，實際上係一個神槍手，仲要經常估你唔到。

 

此外，陳豪將要離港三個月，到深圳拍攝新劇《企業強人》，Aimee於社交網站上載一家嘆美食的天倫樂照片，她以英文留言說：「陳豪將離開香港拍攝直到今年年底。 我們想念你啦！三個月感覺好漫長啊！」

 

一家五口嘆美食。（陳茵媺 IG 圖片）
陳茵媺同細女Camilla。（陳茵媺 IG 圖片）

 

 

發表於 
薛影儀（阿儀）近日公開指摘其經理人林寶玉（Connie）後，其所屬公司亞洲心動娛樂發聲明宣布無限期暫停阿儀的工作。對於聲明中指阿儀擅自盜取公司IG帳號，Connie為自家品牌活動揭幕時回應，稱不認會阿儀有登入密碼。至於何時會可以「解凍」阿儀，公司主席賴彩雲稱要看她的言行態度。

 

「亞洲心動娛樂」（AMM）經理人林寶玉，今午出席自家美容院第二分店開幕，獲公司主席賴彩雲及一眾亞姐到場支持。Connie表示今次擴張營業時是一個小進步：「之前美容院係做美容同減肥療程，今次加入咗身心靈療程，做到內外平衡。（投資咗幾多錢？）我今次有個櫃放我啲特色名牌手袋，加埋都有幾百（萬）。」至於會否再開分店，她謂如果生意能上手的話，半年後再開一間細舖，亦希望可以在其他地區嘗試開分店。

 

林寶玉（右四）一班亞姐撐場。（蘇震揚攝）

 

有「亞視一姐」之稱的薛影儀近月與AMM鬧翻，提到AMM日前在聲明中，指阿儀「擅自盜取公（司）設立社交平台IG帳號，私自發自己和公司無關活動的照片」，但黃榕指阿儀已解釋自己沒有盜用公司IG帳號，而是與公司合用。阿儀其後亦於社交平台指帳號是由公司為她開設。Connie反駁說：「呢個IG係我哋公司建立，基本上佢冇任何密碼各樣嘢，我哋都了解緊點解我哋公司資料會外洩咗，我哋公司依家失去我哋平台。」至於被阿儀公開指罵，Connie指今日是新店開幕，希望講開心事。

 

林寶玉性感現身自家品牌開幕活動。（蘇震揚攝）

 

「解凍」睇阿儀態度

對於阿儀現被「雪藏」，問到何時會可以「解凍」，亞洲心動娛樂主席賴彩雲表示：「其實呢個係一個流程嚟，都想畀佢意識到佢要多多注意（個人行為）。如果我哋再打造佢嘅話，佢嘅言行舉止好重要，希望佢有少少警惕，雪藏幾耐就睇佢態度。其實佢有主動聯絡，同高層溝通。高層叫佢刪帖文，佢都有做。（佢有改善緊？）係，希望佢意識到。」

 

林寶玉（右）獲亞洲心動娛樂主席賴彩雲到場支持，坦言是一種鼓勵和支持。（蘇震揚攝）

 

有指AMM早為阿儀安排於新片擔任女主角，賴彩雲坦言：「我哋的而且確準備咗啲嘢畀佢。（阿儀停工令公司有損失？）唔會，因為未開拍。但我哋已經有咗概念、劇本，做埋主題曲。」至於是否不希望阿儀再與黃榕等人交往，她說：「我哋冇講過黃榕唔好，我哋都唔會阻止佢交朋友。但唔知佢係咪有意或冇意將件事放大，好似寶玉都有自己嘅生意。公司用好自由方式畀佢哋一個機會，所以交朋友娛樂唔係問題。」在旁的林寶玉指只是要求阿儀工作時工作，遊戲時遊戲。

 

薛影儀（右）日前公開鬧爆經理人林寶玉。（林寶玉 IG 圖片）
發表於 
無綫真人騷歌唱節目《中年好聲音2》60強名單出爐！曾參加首屆《超級巨聲》的劉威煌獲五盞燈，評審之一的肥媽讚他「夠晒氣」，仲叫他唱到80歲。

 

《中年好聲音2》昨晚（1日）播出一集是首回合盲選比賽最後一輪，60強名單正式出爐，首回合盲選總共誕生9名5燈選手，名單分別是周文馨、吳萊邨、劉可、陳俞霏、李浩森、古淖文、朱博文、譚輝智和劉威煌。由於獲得4、5燈的選手不夠60人，所以奪得3燈的選手能夠全數入圍，惟3、4、5燈的選手人數加起來同樣不夠60人，令奪得2燈的選手同樣有機會入圍，並由評審團退席商議揀選最終人選。

 

《中年好聲音2》60強誕生。

 

昨晚一集首位五燈選手是38歲的譚輝智，報稱任職廣告設計的他獻唱《心碎了無痕》，出色表現為他贏得五燈佳績，他透露未有參加過任何歌唱比賽：「好想喺40歲前做一樣我未做過嘅事，亦想將呢個經驗送畀我兩個小朋友，畀佢哋知道爸爸都突破過自己。」周國豐聞言大讚：「你唔參加歌唱比賽真係嘥咗你，點解你咁遲先參加呢？」張佳添則說：「覺得你唱得好從容，做到Less Is More，好驚訝你係冇舞台經驗。」

 

38歲嘅譚輝智一鳴驚人，原來佢冇參加過歌唱比賽，絕對係超強素人。

 

第二位五燈選手則是觀眾比較熟悉的劉威煌，身為第一屆《超級巨聲》參賽者的他曾推出個人專輯，幾經輾轉現於製作公司擔任策劃工作。獻唱《愛上一個不回家的人》的威煌，憑着深情演繹獲得五燈，伍仲衡笑言：「你唔使食黨參，夠晒氣，非常夠氣！」經歷過人生種種，威煌坦言曾有一段時間沒有再做關於音樂的工作：「有段時間係有啲掙扎，覺得唱歌係一種壓力，覺得唱歌係要嚟搵食，搵唔到食就唔可以唱歌。」肥媽鼓勵他說：「唔好離開一樣自己鍾意嘅嘢，你可以將唱歌視為副業或者興趣，唔好將自己鍾意嘅嘢抌低，你睇我哋Bill哥哥（吳大強）人哋幾多歲呀，你幾多歲呀？」威煌笑言：「依家43歲，聽日44歲。」肥媽即時祝他生日快樂並說：「唱落去啦，唱到80歲啦！」

 

劉威煌坦言曾感到唱歌是壓力。

 

陳寶雄重遇失散堂哥

是集不但同樣有感人故事，過程更相當曲折。59歲的陳寶雄獻唱當年自己創作的劇集《天地豪情》主題曲《說天說地說空虛》，最終獲得三燈成績。故事曲折的地方是，曾於早前播出的《中年好聲音2 100強大召集》亮相的寶雄，竟因而尋回失散多年的堂哥！

 

陳寶雄唱番自己創作嘅《說天說地說空虛》，獲得三燈成績。

 

事緣寶雄堂哥崑哥在節目中看到寶雄身影後，即時寫信給主持婉婉表示希望與堂弟相認，婉婉在台上讀出崑哥的親筆信，令寶雄即時感動得眼濕濕！更大驚喜是，製作組安排了崑哥於錄影當日親臨現場為寶雄打氣，《中年好聲音》追夢舞台變成相認現場，失散多年的兩兄弟即時相擁而泣，場面感人。

 

陳寶雄聽到堂哥寫嘅信，感動到眼濕濕。
陳寶雄失散多年的堂哥崑哥都嚟咗現場，兩人台上相擁而泣，場面感人。