商台DJ黃正宜（阿正）以代言人身份出席活動，她笑言如成功減肥，希望可以拍內衣廣告，但底線是三點不露。
黃正宜日前為代言無糖香口珠拍新廣告，她今（30日）到尖沙咀出席相關記者會時，笑言在廣告中好大膽演女神。她並打趣謂：「其實我可以再做多啲，好鍾意忙㗎！我沒有工作會身痕，研究過我不搵錢時就會病。（近期好健康啦？）那又未至於好健康，如果大家想我好健康長命百歲，就要再給我多些廣告，可以再健康些。」她謂早前去荷蘭及德國時一直病又水土不服，返到香港又大感冒，一開工即刻好番曬，笑言：「大家對我太大誤會啦，其實我是為了健康而工作！」
問阿正還有甚麼廣告想拍？她即說：「如果我減到肥，梗係想接內衣代言啦！（底線？）三點不露！仲有樓花廣告都好想拍，送層樓給我，趁樓市跌更加需要代言人。仲有私家車廣告，雖然沒有車牌，可以擺住先，或給朋友開車，載我出去玩都好。（俾男朋友？）我都想，那就先希望先搵到男朋友代言，安排一個俾我試用，哈哈！」
