發表於

被前輩周啟生公開直指責為「廢青」的林家謙，昨晚（23日) 出席《新城33周年台慶Show》音樂會，他接受訪問時坦言：「我真的有點廢青，去年推出嘅歌曲《小林不動產》就係講躺平、耍廢，沒有生產力心態。」

林家謙提到新專輯《ISFP》主打「懶」的特質。林家謙笑稱：「我成日不想做，將工作推到最後，經常被家人、樂迷催先去做新歌。」問到有否因周啟生的批評不開心，他表示：「我沒有不開心，面對一些不太肯定的事，我會反思。」

 

林家謙認笑言自己有點「廢青」。

 

另外，提到好友Tyson Yoshi公開被網民性騷擾，他笑言：「他會被性騷擾嗎？應該是相反吧？他在網上分享時很高興，我不認為他被性騷擾。」問到有否被Tyson Yoshi性騷擾，林家謙就話：「他經常打電話給我，我覺得已經是騷擾，性格上騷擾我，可以改名做Tyson騷擾。」

發表於 
鄭裕玲（Do姐）與五位新一代男歌手拍攝旅遊節目，六人今日（28日）出席記者會。Do姐評價五位「旅伴」，笑指林家謙是「色狼」，話要與她浸溫泉。她又爆Tyson Yoshi為保身材，每餐都要諗過度過。

 

Do姐與林家謙、魏浚笙（Jeffrey）、洪嘉豪、應智越（細貓）及Tyson Yoshi為HOY TV拍攝旅遊節目《去邊啊Do姐》，六人今日現身記者會，她指到阿爾卑斯山山頂及新加坡的Me time遊都十分難忘。她並在活動上逐一為五位「旅伴」點評，包括以「色狼」形容林家謙，Do姐說：「你唔好睇佢謙謙君子咁，佢成日問可唔可以同你一間房，浸溫泉又話我哋係咪一齊浸，我睬佢都傻。」她又指Tyson吃東西要先計過度過，而且食量比自己還要少，Jeffrey則不時否定她，但指Jeffrey說話如哲學家，適合深度遊。

 

Do姐帶五位「旅伴」到各地遊玩。

 

已有一段時間沒有拍旅遊節目的Do姐，與洪嘉豪及細貓一同接受訪問，她指今次拍攝方式不同以前：「以前上下靶，但今次佢哋同我平等，係去旅行嘅partner，大家互相照顧。」問誰是令她最嘔血，她思考一會後答：「Jeffrey啦，原來佢嘅口頭禪係『唔係』，講乜都話唔係，但又唔係真係mean『唔係』，只不過係口頭禪。」

 

Do姐話今次拍節目嘅形式同以前唔同。

 

坐長途車斷片

洪嘉豪表示最辛苦每日要坐五小時車到景點拍攝：「我睇番宣傳片，真係有少少唔記得，我真係斷咗片。」問到Do姐可會下次安排為他們安排豪華團，她說：「唔辛苦，係坐車耐啲。有辦法，歐洲地方大。」洪嘉豪亦說：「點會辛苦？頭先我哋都冇講辛苦。」Do姐表示今次旅程認識五位歌手更多，她笑說：「尤其係家豪，佢講坐車至少三、四個鐘，最長七個鐘。傾心事傾晒，後尾唔傾。」細貓則表示首次拍綜藝節目：「今次學到好多嘢，其實好緊張，同埋知道好多嘢做得未夠好。」

被Do姐形容為色魔的林家謙，他笑謂：「我係sick，成日都病。（話同Do姐浸溫泉？）我哋分開浸，唔一定要同一空間浸，我哋睇手機都分開一齊睇，疫情後嘅世界就係咁。」Tyson Yoshi則指Do姐不難服侍：「食完嘢佢叫我哋食住先，之後佢就會去行街。」Do姐又爆他為保持身材，食嘢都要諗過計過。林家謙即笑指Tyson Yoshi才是最難服侍的一個。Tyson Yoshi續指：「拍節目我都要食啲，但有日食齋，心入面爆咗句粗，因為我諗住為咗節目今日豁出去食好嘢，點知去到食齋？」他又透露去維也納拍攝前在泰國買了即食雞胸肉帶到當地，食完便於再購買。

 

林家謙（左）畀Do姐形容係色魔。

 

被要求少講粗口

Tyson Yoshi又爆節目組人員事前曾叮囑他盡量少講粗口，在旁的林家謙即窒他說：「節應該有用到，如果唔係你應該冇嘢講。」Tyson Yoshi續說：「冇得講粗口我都唔知嘢乜講好，冇得好爽快表達。」他指要先諗一諗，但諗完沒有七成要講的情緒。此外，他透露節目組曾問他想到那個國家，他自嘲自己生活像「阿叔」一樣，認為維也納適合他：「人又少，睇吓唔太刺激嘅活動，又可以飲咖啡。」

 

Tyson Yoshi（右）被要求少講粗口。