2022年港姐冠軍林鈺洧近日被指因參選時多是非，令港姐形象受損，遭慧妍雅集成員「落閘」，拒絕她入會。她今午（26日）出席新一屆港姐泳裝綵排，指未有要求申請加入，又謂已澄清多次，不需要向會方解釋，指自己過去一年有做不少善事：「善事喺邊度做都係善事！」
卸任在即的林鈺洧（Denice）今午出席《2023香港小姐競選》候選佳麗泳裝綵排，她表示首次見到16位佳麗，讚她們狀態大勇：「佢哋面容好精神，行出嚟好有自信。（畀貼士佢哋？）放鬆心情，唔好畀自己咁大壓力，享受舞台同過程。」她又透露已錄好卸任講辭，感覺好感觸。至於卸任後的工作，她謂對拍劇和主持節目都有興趣，但還未落實。
Denice去年參選港姐後已是非不絕，曾於節目中分享自身性經驗，並自爆自己曾有五名性伴侶「性史」而引起網民關注，被封為「新一代性女」。另有指她曾欠下逾50萬卡數，有指她希望嬴得獎金來還債，亦有人聲稱持有她的性愛短片四處兜售，但她已澄清否認是片中人。
有報道指她因負面新聞而不乎合港姐形象，遭慧妍雅集會員以大比數否決，拒絕讓她入會，她為事件解畫說：「其實我自己冇申請過入會，不過我都想入。呢啲事隨緣，冇所謂啦！（覺得因為參選時啲負面新聞影響？）其實過咗好耐，我都出嚟澄清咗好多次。唔緊要啦，呢啲嘢好快掉淡。（同慧妍雅集解釋？）唔係事實嘢唔需要解釋。其實我都有自己嘅細組織呢一年都做咗好多善事，善事喺邊度做都係善事啫！總知大家有自己方法為呢個社會貢獻。」
麥美恩考師妹牌
至於明晚（27日）決賽問答環節的題目，大會打算將佳麗個人背景資料及基因資料輸入AI，生成度身訂造的個人化問題，相當新穎！為增加Q&A難度，大會更特別邀得出名轉數快的C君（鄭詩君）及麥美恩主持相關環節，以既尖銳又無聊的角度與佳麗鬥智鬥急才！
對於與AI「聯手」為今屆師妹考牌，麥美恩笑言好好玩，並謂不介意臨場才知道要問甚麼問題：「港姐最好玩就係即興吖嘛，咁咪可以順便考吓啲佳麗玩唔玩得囉。我同C君今次會打醒100分精神，因為我哋喺台上時間唔算好多，我哋會用盡每分每秒去展現自己嘅才華。」
對於無綫「四大愛妻號」陳豪、陳展鵬、陳山聰及蕭正楠，破天荒首度擔任港姐司儀， C君搞笑着四子「盡量唔好做得咁好」，並憶述當年任港姐司儀時一度遭林盛斌嚇窒：「嗰時我第一次見到林盛斌緊張，係會緊張到震嗰隻，佢講咗一樣嘢，講完令我同陸永都好緊張，佢話香港小姐係金牌司儀嘅證明。」
