韓國多位人氣歌手前日（1日）在港出席音樂派對活動，泫雅於首場勁歌熱舞，又以廣東話大冧粉絲。鄭智薰（Rain）則透露即將在港開騷。
韓國殿堂級HipHop派對 「WATER BOOM」前日起一連兩天落戶香港西九文化區竹翠公園舉行，第一場由Jay Park、泫雅與一眾韓星打頭陣登場！
泫雅狀態十足，一出場就用廣東話與Fans打招呼，親切感十足，除了以勁歌熱舞俘虜粉絲，更牽起全場大合唱：「大家好，我係泫雅！雖然我哋嘅語言唔一樣，但係大家都跟住我一齊唱，你哋好犀利啊！希望呢首歌喺你哋失意嘅時候，成為你哋嘅力量！今日雖然係WaterBomb，但我覺得你哋好似仲濕啲，我好驚你哋感冒啊！」
而壓軸登場的Jay Park，全場八千位Fans即時高漲，佢都好識做冧fans，仲用水槍射向大家：「你哋攰唔攰啊？ 我見到你哋㗎。你哋覺得點啊？大家好，我係Jay Park！」雖然不時落雨，但無阻粉絲熱情，佢近走近台邊同Fans交流。
日本藝人河北彩伽亦現身Water Bomb，仲話覺得好好玩：「我希望可以去韓國出道，如果可以都想試吓。第一次參加Water Bomb，如果日本有呢啲活動，都會像今天衣着參加。」
而昨晚（2日）第二場，有韓國Hip Pop天后Jessi性感火辣登場，盡騷身材曲線，不時彎腰飛吻「派福利」，她說：「今次來香港好開心，很高興天氣好好沒有下雨，但也很熱！你們要多點飲水，不要喝水槍的水，也不要只顧飲酒啊！」她都好「識做」大賣口乖，叫Fans開騷要買飛支持。
Rain (鄭智薰) 壓軸出場，全場Fans熱血沸騰，Rain又唱又跳除衫大騷肌肉，仲一度走落台「親近」Fans：「我有一個好消息宣布，我將會在香港開騷，你們會支持嗎？香港你們好嗎？我很掛住你們，你們覺得今晚OK嗎？不如一齊狂歡吧！」
