標籤：游嘉欣

游嘉欣（游游）為飲食節目擔任主持，提到古時獲新郎贈「回門豬」為女子婚前貞潔的象徵，游游聞言即爆出與經血有關的「保貞操」奇招，激到兩老滴晒汗，場面搞笑。

 

飲食節目《肥媽李鼎打大佬》今晚（1日）播出首集節目，主題圍繞「論盡終身大事」。談到結婚擺酒一定要有乳豬的話題時，有人提及自先秦沿用的「三朝回門」習俗，意即古時獲新郎贈「回門豬」，為女子婚前貞潔的象徵。游游聞言即天真地問：「為什麼要三朝，唔可以第二朝、第四朝回？」肥媽聞言勞氣回應：「第一日未必搞得掂，怕醜㗎嘛，一定要即刻搞得掂咩？」打爛沙盤問到篤的游游，續追問古時如何驗證女子貞操，李家鼎（鼎爺）亦沒好氣說：「有塊嘢叫初夜布，第二朝要捲住塊布畀奶奶睇。」

 

 

講到結婚禮金，鼎爺自爆曾幫好兄弟上門傾禮金，豈料女方媽媽獅子開大口索價8萬8港元，肥媽聞言說：「1972年買層樓都只係幾皮嘢，西環都係2萬幾，銅鑼灣都係8萬幾，佢個女鑲鑽石㗎？」講完禮金再講人情，游游問肥媽如果契仔陸浩明（6號）結婚會給多少人情，肥媽豪邁說：「6號結婚我一定要打金豬，6隻或者12隻，冇理由一隻金豬就算！」

 

 

至於明晚（2日）播出第二集主題為「慶功變㷫功」，鼎爺大爆陳年「電影老闆縮數事件」：「當年有部電影由台灣老細開拍，他說如果票房收到400萬，就每人送一隻名錶，但一到三百幾萬佢就自己落咗畫，慳番！」肥媽聞言即笑笑口說出一個姓氏，鼎爺聞言笑而不語，相當耐人尋味！

 

 

何廣沛（Matthew）公開承認與圈外女友戀情後，女方被踢爆曾離婚。他今晚（11日）出席新劇首播飯局，指二人有溝通，直言對事件知情，希望外畀給予空間。對於被網民指他「劈腿」及「食軟飯」等罪，Matthew表示佩服網民的想像力。

 

何廣沛、吳偉豪、游嘉欣、謝雪心等主演的新劇《你好，我的大夫》今晚首播，何廣沛自早前公開承認與從事公關工作的Sarah Mui關係後，首度現身回應戀情。對於二人已拍拖大半年才公開戀情， 他解釋一直以來沒有特意收埋戀情：「身邊朋友同事一直知情，我亦冇特別去講。我從來唔係咁高調嘅人，傳媒問起我都冇去收埋，直接承認咗。（同女友夾定可以公開？）我不嬲同佢有一定默契，同佢一齊互相都有溝通有了解，大家好多事情嘅睇法都一致。」

 

 

至於Sarah被爆出曾結過婚，Matthew坦言知情：「兩個人喺埋一齊一定有溝通，呢啲一定知情。不過呢啲全部都係佢以前嘅事，希望大家尊重佢如終係圈外人，畀啲空間佢。（佢係富家女？）呢個得啖笑，冇嘢可以回應。（有冇安慰佢？）佢或多或少都有少少唔開心，我都會安慰佢。」

由於Matthew被踢爆去年11月與女友同遊韓國，加上今年3月被發現於社交平台取消關注緋聞女友朱晨麗，被指與兩者拍拖時間有重叠，對網友更直指何廣沛「偷食」 、「劈腿」、「食軟飯」等，Matthew稱有看過留言亦曾作出反擊，他表示佩服網民的想像力，可以左拼右拼砌出一個頗有趣的故事，還幽默指無綫欠缺人才，叫網民去應徵做編劇。

 

 

《破》劇成收視之冠

此外，提到《你好，我的大夫》緊接《破毒強人》播出，有份參演兩劇的Matthew指兩套劇集路線不同，《你》劇有青春的感覺及賣溫情，希望可以以承接《破》劇的強勢，他笑說：「呢班演員之中，我係最老嗰個，以老帶新，帶住一班00後嘅演員。希望套劇可以吸納唔同觀眾層。」提到《破》劇大結局收視跨平台直播收視26.9點，吸引逾173萬觀眾追看，為劇集收視之冠。Matthew稱感到開心：「因為呢套劇個個演員都做得好好，始終套劇播之前有家都擔心，咁洗沉重嘅題材大家會唔會鐘意睇，但收視反應觀眾接受能力都好高。」

對於監製羅永賢表示考慮開拍前傳，他表示支持，希望可以做一個好壞的反派：「拍之前我以為做古惑仔，所以有少少落差。前傳可能另一個身份，畀觀眾見到我黑化嘅一面。」

 

王祖藍自2021年出任無綫「首席創意官」後，近年甚少於幕前演出，近日被發現其藝人資料於無綫藝人網站頁面「消失」。他今晚（30日）現身節目錄影，解釋已退居幕後：「要搵啲幕後嘅網頁。」

 

《獎門人中秋感謝祭》今晚於將軍澳電視城錄影，王祖藍、蔡思貝、李思捷、何廣沛、游嘉欣等搭任嘉賓。「獎門人」曾志偉因早前完成手術後仍留在於台灣休養，未能參與錄影。王祖藍笑言：「今日『褔祿壽』另外兩位師兄（李思捷及阮兆祥）喺度，咁不如『褔祿壽』加『獎門人』，先能夠頂住一個總經理，如果唔係都搞唔掂。（佢唔喺度主持大局覺得可惜？）唔係㗎！佢嘅靈魂一直同我哋同在。」

 

 

已有大半年未有在港現身的祖藍，續笑指這段時間的Work from home。對於其藝人資料於無綫藝員網頁下架，問到是否仍擔任「首席創意官」一職時，他說：「TVB另一版仲有我個名。我依家都半退居幕後，所以要搵啲幕後嘅網頁。」

 

 

祖藍又透露下月舉行褔祿壽演唱會：「上年福祿壽15周年，但因為上年疫情關係開唔到演唱會，所以16周年先補番呢個演唱會。積極籌備緊，下個月中就係。（會喺邊度搞？）我鄉下東莞係第一站，之後去馬來西亞月，跟住去北美。」

 

 

游嘉欣考車牌有信心

同場的游嘉欣表示是首次上《獎門人》節目，她坦言既緊張又期待：「我最期待應該係彈遮遮，想睇吓彈出嚟嗰吓係咪真係咁難捉住。」她又透露下月將會考駕車路試，問到可有信心一次成功，她說：「信心真係有，畀啲自信先可以pass。雖然我對自技術有信心，但希望有天時地利人和配合。師傅都讚我OK。」此外， 她玩「搵啖食」遊戲時，用口接髮菜時，髮菜跌在她的胸上，遭蔡思貝取笑心口生毛。