朱智賢（Ashley）宣布離巢無綫後，回復自由身的她首度為HOY TV拍攝節目。她透露無綫曾與她傾續約但未有接受：「想試吓唔同嘅嘢！」至於會否考慮叫男友謝東閔一同過檔，Ashley表示不會理會對方這方面的事。
上月底宣布離開無綫的朱智賢（Ashley）、今日（27日）與陳思圻（Vicky、原名陳偉琪）到元朗為HOY TV節目《煉狗術師III》擔任嘉賓，Ashley透露三歲開始已飼養狗隻，之後一直有養狗的習慣。而Vicky則謂喜歡大狗，但香港難有大的地方，笑言如果能買大屋便會飼養。
二人曾一同參選《2013香港小姐競選》而入行， 今次轉到HOY TV再與Vicky合作節目，Ashley表示感覺好特別：「感覺真係世界係圓，我哋幾年冇見，今次見番感覺唔同咗。」 Vicky亦表示好開心，感覺大家成熟不少。問到是否由Vicky 介紹她轉投HOY TV，Ashley否認說：「我以為佢哋（幕後人員）特登安排我哋兩個一齊，但原來唔係。」
Ashley早前宣布與正式與無綫完約，12月拍畢新劇《企業強人》便會正式離巢，問到無綫有否與她傾續約，Ashley說：「大家都有傾，但去到最尾我都覺得想試吓唔同嘅嘢。喺嗰個環境都十年，想出去睇吓嗰世界。（再有其他指攝工作？）嚟緊有個節目教煮聖誕大餐。」至於可會叫男友謝東閔過檔，她笑說：「我唔會理佢，佢自己處理自己嘅嘢。佢搞音樂學校都好忙。」
提到日前於澳門工作後上載火辣泳裝照，有網民留言指她疑似「凸點」，她解釋說：「係錯覺嚟。其實嗰個係Cutting問題。」她續指原本覺得放泳衣不是問題，但入行後有時覺得會變成大件事：「我入行前着比堅尼好平常，但入咗行之後呢件事變到有少少壓力，因為唔想啲人覺得呃Like或搶鏡，其實從來都唔係。依家有時想出一張好簡單嘅相都有少少顧慮。」
