港姐決賽16位候選佳麗，以性感晚裝為大會拍攝官方場刊，仙氣滿瀉。其中莊子璇力谷事業線，力撼今屆兩位「波霸」胡睿涵及郭珮文。
《2023香港小姐競選》將於下周日（27日）晚筆行決賽，16位佳麗連日來積極備戰，勢以最佳姿態踏上港姐決賽舞台。大會今日（20日）發布官方場刊晚裝造型，各佳麗穿上不同色系及半帶透視效果的晚裝，展現華麗優雅面。
場刊晚裝造型色系多變，有淺藍、粉紅、粉紫、蝦肉色、彩藍、深藍及綠色等，配以佈滿心口及裙襬等的花花pattern，令佳麗們猶如七彩花仙子般聚在一起，奪目又耀眼。除了色彩鮮艷，晚裝造型設計亦各有特色，除了有突顯腿部線條的高衩設計、又有突顯腰部線條的露腰設計。
擁有33吋上圍的15號莊子璇，身穿半透視tubedress拍攝造型照時，事業線若隱若現，頓時成功搶去36吋上圍的6號胡睿涵，及35吋上圍的16號郭珮文「峰」頭。她接受無綫娛樂新聞台訪問時透露要開始減肥：「最近試緊限時減肥法，即係一個時間內食嘢，其他時間就唔食。」問到可有成績她笑說：「冇呀！零呀！」
而郭珮文同樣表示未能成功減肥，並謂要開始節制少少：「唔會日日加餐同食好肥膩嘅嘢，都係一個挑戰嚟。我自己減壓方式就係食嘢，所以好矛盾。」而9號潘明璇則表示近排開始減甜品，食多些蛋白質同雞胸肉。
造型度身訂造
《2023香港小姐競選》形象監督陳惠英（Karen）接受訪問時，直指每個造型都是了解過每位佳麗的個人特色及身形優點後、逐件度身訂造出來，Karen說：「希望令佢哋望落靚之餘，亦配合到佢哋個人嘅特色。」
為了配合大會主題，今屆佳麗造型偏向明亮鮮艷，並以突顯女性美為主，Karen續說：「晚裝嘅底色我哋採用咗Nude Colour，即係偏近皮膚嘅顏色，希望藉此突顯女仔自己本身身形嘅優勢同線條。服裝上面嘅花花圖案，係想帶出仙氣，同埋將佳麗年輕同Fresh嘅氣質展現出嚟。今年嘅造型係希望靚得嚟冇時空規限，同埋望落去係充滿生機。」
今屆質素偏高
Karen又大讚今屆佳麗身形質素偏高：「今年佳麗身形進步中，喺咁多屆嚟講算係理想，一字排開，真係靚㗎喎，淨係對腳都真係好靚。」談到衣服物料，Karen指除採用了感光度較高的物料，顏色方面也是經過特別指定及染製，務求打造出「不一樣的港姐」。
