裕美及七仙羽（七師傅）等人今午（15日）到深水埗出席慈善活動記者會，裕美男友林作早前涉JEPX案件被捕，七師傅指林作要懺悔念經，危機才可化解，更建議林作轉行做宗教有關的職業。
林作上月捲入虛擬資產交易平台JEPX案件被捕，正保釋候查。其女友裕美及七仙羽今午為「送炭到泰北2023」授旗儀式擔任嘉賓，同場還有藝人薛家燕及黃建東等。七師傅即場送贈龍年運程書給裕美，再轉送給林作。
七師傅早前曾表示為林作念經，問到林作明年的運程，她謂不會有很大問題：「我有幾個方案畀佢，佢要懺悔念經去積累福報，唔可以淨係坐喺度乜嘢都唔做。佢做多啲慈善，幫多啲人以功補過，咁先有機會化解。（叫佢做義工？）我鼓勵人做義工，到時我都要佢做多啲慈善。」
林作近日於外國記者協會（FCC）十月份新會員的名單中出現，簡介更坦言做記者是他理想的職業，七師傅直指林作每月收入達數十萬，但記者人工低，林作一定不會做。至於林作適合什麼工作，她說：「佢應該行宗教呢條路，例如神父牧師，佢呢條會越行越廣。」至於與裕美結婚沖喜，可會為林作的運程有幫助，她說：「我建議佢哋唔好搞咁多嘢。其實佢哋兩個一齊住，同結婚冇分別。」
