被視為今屆港姐三甲大熱的候選佳麗莊子璇（Hilary），今日（26日）於綵排活動上率先「攞頭彩」，獲抽中試戴后冠，有如預演決賽夜奪冠。她表示有聽聞「后冠魔咒」，但有信心可於決賽「破咒」。
年度選美盛事《2023香港小姐競選決賽》明晚（27日）假將軍澳電視城舉行，16位候選佳麗今午以泳裝亮相綵排。其中，
賽前大熱的15號莊子璇雖然是非多多，不過她獲抽中試戴后冠，由去年港姐冠軍林鈺洧為她試戴。今屆后冠以鑽石鑲嵌再配以紅寶石製造，冠、亞、季軍三個后冠總值300萬港元。
有信心可再破魔咒
Hilary事後接受訪問時興奮說：「我真係好幸運抽到試戴后冠，我諗成世人運氣都用咗喺呢個比賽度。（依家更加有信心聽晚攞冠軍？）嚟到呢一步信心一定有。」 她續表示有聽聞獲抽中試戴冠卻最終未能奪冠的「后冠魔咒」，但自己有做資料蒐集，知道有兩位前港姐都試戴后冠後成功奪冠，相信可以再打破魔咒。
陳曉彤否認篤背脊
提到有報道指13號陳曉彤（Cindy）做「金手指」，踢爆Hilary恃大熱向其他佳麗擺款，在旁的Cindy即大呼冤枉：「我覺得自己好無辜，我真係唔知呢個新聞點傳出嚟，Hilary都有send呢個報道畀我，好彩佢都有安慰我。如果唔係真係嚇親。」而Hilary亦指看到報道被嚇親，不信對方會篤背脊，更即時安慰Cindy說：「我之前都好多呢啲負面新聞，自己知道冇做過就可以。」
姜依宁奪「友誼小姐」
此外，16位佳麗即場互選「友誼小姐」，結果由8號姜依宁奪得，她表示多謝其他佳麗投票給她：「我都盡自己最大努力去幫佢哋。（過往好多佳麗攞呢個獎都冇三甲？）都想打破呢個魔咒，都係睇聽晚表現，對自己有信心。」她稱有為決賽努力練好廣東話，指自己緊張時廣東話會講得不好，擔心會影響自信。
