發表於 
范冰冰日前接受專訪，被問到感情生活時，她坦言「寧缺莫濫」，更笑言家人已放棄催婚。

 

亞洲電影大獎頒獎嘉賓范冰冰上周五接受娛樂新聞台訪問，她表示每次到香港都有回家的感覺，同時分享保持美貌的方法，她笑說︰「就算雷打每天都要敷兩張面膜，肚餓才吃東西。」

范冰冰透露此行認識到金馬影帝吳慷仁，大讚對方有氣質。被問到感情生活時，冰冰本着「寧缺莫濫」所以暫未有對象，她笑說︰「家人對我已放棄，沒有催婚。」

 

范冰冰的愛情觀是寧缺莫濫。

 

提到早前跟《救參》系列男主角里安納遜（Liam Neeson）合作拍攝荷李活電影《The Ice Road 2: Road to the Sky》。冰冰指劇集需全英語對白加粗獷打扮，最慘是農曆年要在澳洲開工，未能回鄉團年。而Liam發揮暖男本色，特意送上盆栽花及賀年卡為她解鄉愁。

 

范冰冰再戰荷李活電影，跟《救參》系男主角Liam合作。
農曆年仍要在澳洲開工，獲Liam送花解鄉愁。
發表於 
憑韓劇《大長今》一炮而紅的李英愛接受專訪，自爆面對自己的一對龍鳳胎，都會有「虎媽」的一面，對一對子女發脾氣。

 

韓國天后李英愛在剛舉行完的「第17屆亞洲電影大獎」頒獎禮中，獲大會頒發卓越亞洲電影人大獎，表揚她對影視圈的貢獻。她接受娛樂新聞台專訪，十年前曾訪問過的李英愛的主持王鎮泉，隨即與對方「相認」。李英愛表示對上一次來港是2019年，為MAMA頒獎禮擔任頒獎嘉賓，她說︰「今次相隔5年再來，香港粉絲熱情的歡迎令我很驚訝，知道大家還記得我很高興，同時會借今次機會，好好品嚐點心。」

 

韓國女星「大長今」李英愛接受王鎮泉專訪。

 

講到跟香港的淵緣，李英愛稱應該是始於跟劉德華合作拍朱古力廣告︰「20歲那時剛出道，就跟劉德華合作拍廣告，當時他已經是巨星；大約20年前與梁朝偉就在斧山電影節撞過面。」她笑言有幻想過三人合作拍《無間道》續集。

20歲剛出道的李英愛外貌青澀。

 

李英愛同劉德華合作拍朱古力廣告。

 

而近日韓國報道指將開拍《醫女大長今》延續《大長今》劇情，李英愛會參與演出，繼續飾演大長今一角，她興奮的說︰「《大長今》不單止是一套劇，而是讓全世界認識韓國的『外交官』。」李英愛表示每次重播都會翻睇，記住劇中大長今的教誨。

 

李英愛憑《大長今》一劇成名。

 

李英愛脾氣溫馴，不少人認定是現實中的大長今，但她自爆都有虎媽上身一刻︰「我的龍鳳胎已經14歲上中學，小朋友免不了犯錯，偶爾都會對他們發脾氣。」她又應主持要求，以廣東話說出「大家好，我係李英愛」。

 

原來李英愛係一名「虎媽」。

 

發表於
歌手姚焯菲（Chantel）赴新西蘭求學已有三個月，她接受專訪時坦言初時不習慣當地生活，更曾經爆喊。不過適應過後變得獨立，原本害怕昆蟲的她更成功「昆蟲免疫」，見到烏蠅都不怕。
姚焯菲接受無綫娛樂新聞台主持許文軒《Star Talk》專訪。
姚焯菲日前接受無綫娛樂新聞台《Star Talk》專訪，分享在新西蘭求學生活點滴和宣傳新歌《小出走》。Chantel透露當地開始生活的初期，人生路不熟，更試過在校園蕩失路，令她一度崩潰：「好多因素加埋一齊，之後就爆喊咗，嗰一刻唔會覺得係homesick，覺得係世界末日。但住咗兩個星期之後，雖然都仲係掛住屋企，但喺新西蘭都好開心。」父母不在身邊，Chantel學懂獨立並成長不少：「以前係好大頭蝦嘅人，去咗新西蘭之後好咗啲，會寫低To Do List，做咗就會刪咗佢，如果見到或者記得要做嘅嘢，唔好等下一秒先做，費事又唔記得。」Chantel坦言回到香港後，父母亦覺得她成熟了不少。
Chantel嘅新歌《小出走》係唱出自己嘅心聲。
提到新西蘭求學生活，Chantel透露與來自北京的室友相處融洽，她說：「我哋幾夾，佢好鍾意聽廣東歌，仲好鍾意聽張國榮，我哋有時會哼吓歌，同埋宿舍有部琴，我哋會彈吓歌同唱吓K。」主持人許文軒問到兩人曾否鬧交？Chantel笑言：「佢唔鍾意我將食物包裝留喺間房，有垃圾就要丟出去，佢好驚惹蟲，特別唔鍾意蜥蜴，因為啲蜥蜴就係食嗰啲蟲，有一次隻蜥蜴就入咗間房。」Chantel續指原本超驚昆蟲，就連見到一隻蟻都嗌到拆天，但去到新西蘭之後就變得「昆蟲免疫」：「依家見到烏蠅都完全唔驚，以前會嗌生嗌死，但新西蘭好多烏蠅，一有食物就會『嬲』喺上面，見到就撥走佢！」
Chantel指在新西蘭讀書除多了時間專注學業，空餘時間更會看韓劇，她說：「每星期都會抽兩日去學琴同練歌，始終唔喺香港會唔方便，但會Keep住同老師視像，唔會就咁就斷咗。」
姚焯菲獨自去到新西蘭讀書，事無大小都要自己處理，變得更加獨立。
選址拍MV貪附近有餐廳
提到新歌《小出走》，Chantel坦言憑歌寄意唱出心聲，她說：「首歌係想同大家講我出去讀書喇，叫大家唔好擔心我，唔係一個好慘嘅Goodbye。」Chantel續指《小出走》在新西蘭的MV拍攝過程很難忘，她說：「因為當時未知可唔可以成事，加上Aska（張馳豪）同Sherman（潘靜文）又嚟咗，成件好Surprise。今次Aska負責揸車，我哋就喺車度聽歌同唱兩嘴，見到啲景好靚又會停低去影。」Chantel又指自己有份提議MV拍攝景點：「我揀咗Mission Bay，嗰度有海灘同餐廳就喺隔籬，拍完嘢就可以去食嘢，食嘢時又可以拍嘢，真係好方便同好舒服。」
張馳豪（左）同潘靜文（右）遠赴新西蘭為Chantel送上驚喜。
Chantel又指對伊甸山最深刻：「嗰座係一座幾高嘅山，有一大片綠色草地，去嗰時得幾個人，天空係漸變色，同埋可以望住成個城市嘅景，可想而知幾咁靚。」《小出走》MV網上發布兩周左右，已吸逾100萬觀看次數，成績不俗。
Chantel嘅新歌《小出走》係唱出自己嘅心聲。