國家電影局公布，今年「五一檔」內地電影票房達15.19億元人民幣（下同），按年大幅反彈4.13倍，與疫情前2019年的15.27億元相若。其中經典動畫《男兒當入樽》四月尾上映以來走勢凌厲，口碑高分下續成為大熱。《檢察風雲》、《驚天救援》、分別位列票房榜第4及6位。
今年五一檔雖然有多達18部電影上映，票房逾萬元的影片佔9部，逾十萬元的影片亦有6部，均創歷史新高，而且有「後起發力」的趨勢。罪案公訴電影《檢察風雲》、災難動作片《驚天救援》等作品，更多元化吸引着不同目標觀眾入場觀影。軍事、動作、愛情、犯罪、動畫，令電影市場進一步火熱起來。
受惠於五一檔票房，電影股跟隨大市升，阿里影業（1060）升逾4%，IMAX中國（1970）、貓眼娛樂（1896）升不足1%。
歌手姚焯菲（Chantel）赴新西蘭求學已有三個月，她接受專訪時坦言初時不習慣當地生活，更曾經爆喊。不過適應過後變得獨立，原本害怕昆蟲的她更成功「昆蟲免疫」，見到烏蠅都不怕。
姚焯菲日前接受無綫娛樂新聞台《Star Talk》專訪，分享在新西蘭求學生活點滴和宣傳新歌《小出走》。Chantel透露當地開始生活的初期，人生路不熟，更試過在校園蕩失路，令她一度崩潰：「好多因素加埋一齊，之後就爆喊咗，嗰一刻唔會覺得係homesick，覺得係世界末日。但住咗兩個星期之後，雖然都仲係掛住屋企，但喺新西蘭都好開心。」父母不在身邊，Chantel學懂獨立並成長不少：「以前係好大頭蝦嘅人，去咗新西蘭之後好咗啲，會寫低To Do List，做咗就會刪咗佢，如果見到或者記得要做嘅嘢，唔好等下一秒先做，費事又唔記得。」Chantel坦言回到香港後，父母亦覺得她成熟了不少。
提到新西蘭求學生活，Chantel透露與來自北京的室友相處融洽，她說：「我哋幾夾，佢好鍾意聽廣東歌，仲好鍾意聽張國榮，我哋有時會哼吓歌，同埋宿舍有部琴，我哋會彈吓歌同唱吓K。」主持人許文軒問到兩人曾否鬧交？Chantel笑言：「佢唔鍾意我將食物包裝留喺間房，有垃圾就要丟出去，佢好驚惹蟲，特別唔鍾意蜥蜴，因為啲蜥蜴就係食嗰啲蟲，有一次隻蜥蜴就入咗間房。」Chantel續指原本超驚昆蟲，就連見到一隻蟻都嗌到拆天，但去到新西蘭之後就變得「昆蟲免疫」：「依家見到烏蠅都完全唔驚，以前會嗌生嗌死，但新西蘭好多烏蠅，一有食物就會『嬲』喺上面，見到就撥走佢！」
Chantel指在新西蘭讀書除多了時間專注學業，空餘時間更會看韓劇，她說：「每星期都會抽兩日去學琴同練歌，始終唔喺香港會唔方便，但會Keep住同老師視像，唔會就咁就斷咗。」
選址拍MV貪附近有餐廳
提到新歌《小出走》，Chantel坦言憑歌寄意唱出心聲，她說：「首歌係想同大家講我出去讀書喇，叫大家唔好擔心我，唔係一個好慘嘅Goodbye。」Chantel續指《小出走》在新西蘭的MV拍攝過程很難忘，她說：「因為當時未知可唔可以成事，加上Aska（張馳豪）同Sherman（潘靜文）又嚟咗，成件好Surprise。今次Aska負責揸車，我哋就喺車度聽歌同唱兩嘴，見到啲景好靚又會停低去影。」Chantel又指自己有份提議MV拍攝景點：「我揀咗Mission Bay，嗰度有海灘同餐廳就喺隔籬，拍完嘢就可以去食嘢，食嘢時又可以拍嘢，真係好方便同好舒服。」
Chantel又指對伊甸山最深刻：「嗰座係一座幾高嘅山，有一大片綠色草地，去嗰時得幾個人，天空係漸變色，同埋可以望住成個城市嘅景，可想而知幾咁靚。」《小出走》MV網上發布兩周左右，已吸逾100萬觀看次數，成績不俗。
去年七月男團 MIRROR 紅磡香港體育館演唱會屏幕墜下事故，主辦單位MakerVille透過社交網公布，將於明年1月在亞洲國際博覽館舉行補場，截至明日，持合資格演唱會門票人士可兌換補場門票，公司將於一個月內公布相關補場門票兌換詳情安排。
MIRROR 紅館演唱會原定去年7月底至8月初舉行，一共12場，但當演至第四場時，一塊巨型屏幕從高處墜下，並擊中舞蹈員致受傷，主辦單位其後宣布取消餘下所有場次演出。
台灣歌手林宥嘉（Yoga）前晚（4月29日）於紅磡香港體育館舉行世界巡迴香港站第二場個唱，期間與台下捧場的組合MIRROR成員柳應廷（Jer），即席台上台下對唱，掀起現場熾熱氣氛。
林宥嘉一連三場《idol 2023世界巡迴演唱會（香港站）》，昨晚（4月30日）完滿結束。前晚（4月29日）舉行的第二場個唱，屬Yoga超級粉絲的阿Jer，獲台上的Yoga即興邀請合唱，促成二人首次合唱。二人分別在台上及台下合唱《眼色》，Yoga說：「Jer嘅工作人員問我哋有冇機會可合作？今次係好timing，事前我同佢嘅工作人員講，話Jer一定要看到最後，我冇預先同佢講，唔想佢有壓力。我有聽過佢唱歌，他很powerful，有大將之風。」
Jer事後於社交網站形容今次對唱是「痴線系列」，又指「剛才真的嚇壞了，然後都緊張到爆炸了」，他說：「唱完後我不斷問自己是真的嗎…好像發夢一樣，台前是林宥嘉，然後是跟他合唱(O~M~G~現在都不能相信…）。」他續表示很多年前的中學畢業禮，早已唱過他的《說謊》，然而陳年片段已無法找到。他還不忘感謝Yoga：「一直以來，用音樂影響着我，而我都會不斷無意地唱他的歌，但從來都沒有想過像今天一樣跟他合唱，It’s crazy！」
Yoga回想其偶像陳奕迅當年純粹跟他對唱一句，已足以令他非常興奮。當Yoga知悉Jer視他為偶像之際，他亦希望能令阿Jer開心。對於Jer即將籌劃演唱會，Yoga預先為Jer打開大門說：「你可以邀請我，希望演出順利！」
林家謙貼心為林宥嘉解開衣鈕扣
至於昨晚演唱會尾場，史無前例於演唱會中邀請林家謙擔任壓軸嘉賓。林家謙為Yoga 彈琴兼合唱《瑪利晚安了》及《飛》，而林家謙在台上第一件事，竟是替Yoga解開外衣褸鈕扣，場面爆笑並引發台下尖叫。
林家謙除為Yoga譜寫廣東話歌《壞與更壞》，還寫了《瑪利晚安了》。《瑪利晚安了》是《脆弱一分鐘》的廣東版，惟有關版本仍未正式推出。Yoga指倘當時推出市面，相信將會成為另一首熱爆歌曲。Yoga又即席與林家謙擁抱道謝，家謙開心做出V字勝利手勢。是晚兩人首次演繹《瑪利晚安了》，讓大家聽出耳油，掌聲雷動。Yoga大讚家MM7（正的意思），好正又Humble，而且首次開個唱便開了七場。
家謙被揭曾現身時裝周
林家謙表示，為答謝Yoga去年以視像形式為其紅館騷擔任嘉賓，多謝Yoga當時給予的鼓勵，今次特意安排一份別出心裁的朱古力作回禮。林家謙對Yoga說：「朱古力（取其諧音）代表鼓勵鼓勵、朱(祝)福你…」對於Yoga談及家謙曾經現身時裝周的畫面，家謙極力制止Yoga繼續說下去，場面惹笑。Yoga讚賞林家謙既是溫柔的人，又能與Tyson Yoshi表演HipHop，向家謙表示非常欣賞，還笑言若然二人HipHop一番，Yoga可藉此脫掉外衣，騷一騷結實的肌肉。
出廣東專輯較困難
Yoga指要演繹高難度新歌，及投入情緒演出，每唱完一場演出均感到疲累，完成encore還節，尾場觀眾仍不捨離去，與主辦確認可行性後，Yoga便毫不猶豫地再回到台上獻唱答謝歌迷，完騷後他分享說：「唔想主辦單位被罰錢，但主辦同我講可以去唱我就去，希望歌迷覺得開心。香港歌迷好正，歡呼聲好大，可以大到聽不到音樂。」騷後Yoga被問到會否推出廣東專輯，他回應：「專輯可能較困難，一個人單曲壓力比較大，但如果是兩人合作可以一試。」
{{item.text}}
馬國明於昨晚（28日）一集《法言人》以「瀑布式哭戲」強攻觀眾，喊至雙眼紅腫的他，獲網民讚「入晒戲」。
馬國明透露該場喊戲拍了兩take，一take遠鏡加一take close up，他謙稱要多謝導演及劇本：「最緊要係同導演溝通，同埋個劇本感動到我先做到呢個效果，都係台前幕後配合。」
慶幸遇好劇本
談到喊戲，馬國明指《降魔的》中入火場救金剛小儀一幕最難忘，皆因要在沒有對手加對白的情況下完成：「我要重複重複重複咁入火場，每次都要有嗰個情緒，同埋對白主要係『阿爸阿爸』，要靠自己幻想。」
他坦承初入行時確實有被喊戲考起，並指好的劇本對喊戲很有幫助：「初初入行都唔係成日喊得出，後尾累積咗經驗好啲。我覺得最緊要係劇本，我好彩都遇到好劇本，劇本畀到你嘅話喊戲就唔太難。」
劉青雲、林峯、導演韋家輝等人今晚（27日）出席電影《神探大戰》慶功宴，老闆楊受成表示電影因有齊五大敏感元素，送審時多次與官員開會斡旋，多次修改才能成功上映。他同場亦宣布會開拍電影續集。
電影《神探大戰》早前在各大電影頒獎禮屢獲殊榮，更於今年《第41屆香港電影金像奬》包括最佳導演（韋家輝）、最佳男主角（劉青雲）、最佳編劇及最佳攝影四大獎項，成今屆金像獎獲獎最多的電影。電影於今晚（27日）舉行慶功宴，英皇集團主席楊受成、導演韋家輝，監製邵劍秋、朱淑儀，以及主角劉青雲、林峯、陳家樂及湯怡等一同出席，慶祝電影取得大捷。
楊受成於席上透露電影開拍前籌備的辛酸史，他感慨說電影因為有齊「黑警、臥底、黑社會、槍戰、血腥」五大敏感元素，曾多次送審。他和四位同事與政府五位局長及署長開會，雙方猶如十人對壘。而電影經過多次剪接及修改後才能順利上映。
導演韋家輝、劉青雲與林峯一同接受訪問時，對於電影叫好叫座，韋家輝坦言：「感受好深，電影在2018年完成，到今天拿獎、慶功，入行以來從未試過，好神奇、好感恩！」對於楊受成公開透露電影送檢時曾遇到阻滯，他表示亦有參與其中，所以亦得悉事件：「過去嗰幾年不斷喺到剪、希望可以同大家見到面啦！」他續指在電影界多年已習慣修改作品，但《神探大戰》的確是修改得最嚴重和最厲害的一次。」他直言為電影剪輯了多個版本，而楊受成所指的是成片後送審的關口。他亦感謝楊受成親力親為，為電影爭取。
憑該片奪得《金像獎》「最佳男主角」的劉青雲表示因正為拍攝新片，今日是第一次為得獎慶功。提到太太郭藹明並沒有在他得獎後給予獎勵，他說：「可能太太都覺得『吓！咁點呀？第一次呀你？有冇搞錯呀仲要獎勵！』」至於林峯謂會繼續來回中港兩地拍攝劇集，亦需要到外地拍攝。
此外，楊受成宣布將會支持韋家輝開拍《神探大戰2》，韋家輝表示第二集將會延續首集的故事，會努力創作劇本，對於首集大部分的角色已死去，他笑說：「我有辦法可以令觀眾見到，因為觀眾鍾意！」
MIRROR三子盧瀚霆（Anson Lo）、呂爵安（Edan）及姜濤坐鎮的英皇電影《盜月者》今日（27日）舉行開鏡儀式。他們接受訪問時，Edan透露張繼聰同白只於片場的搞笑氣氛最難頂：「佢哋最難頂嘅一個位係拍嘅時候會搞好多gag。但最大問題係笑完一Roll機佢哋會忍到，但係我哋忍唔到，所以好困擾我哋。」
Anson Lo於開鏡禮上表示驚險刺激場面不少，但動作戲都由張繼聰同白只肩負！Edan坦言體力上還能應付，12個人每一個人的戲份其實不多。儘管Anson Lo早前受腳傷影響，需要接受治療，但他已經可以上陣了，只是為了使腳傷盡快好轉，Anson Lo於患處貼上膏布，不慎犧牲腳毛，Edan提議剃掉，但Anson Lo並不想剃腳毛，Edan則笑指：「咁你搣咗咪等於剃咗！」Anson Lo則笑指：「邊有人黐之前會諗咁多嘢啫！」姜濤則透露他的角色與打扮關係密切，因為螢幕面前未試過這種角色，所以好多表情行為都要特登研究一番。
此外，Edan與Anson Lo將會翻拍韓國人氣電視劇《社內相親》，將於完成《十二怪盜》及《盜月者》的拍攝便會開始，由陳漢娜及沈殷怡飾演女主角。Edan談及親熱戲份的處理時表示：「根據原著嘅劇本就可能有，但係未收到而家嘅劇本同埋未圍讀，所以遲啲話畀大家知！」對於原作人氣甚高，Anson Lo覺得壓力不大。
此外，三位MIRROR成員即將陸續開個人演唱會，姜濤與Anson Lo分別表示機會難得，亦對場地沒有太大要求，而Edan則表示：「想喺個唱前要出多幾首歌，因為排rundown嘅時候發覺自己唔係好夠歌！」
張繼聰（阿聰）及白只出席新片開鏡，阿聰以「愛火重燃」來比喻二人相隔六年，再合作拍攝新片的感覺。早前到日本拍攝外景時適逢女兒生日，他特登找同片的盧瀚霆（Anson Lo）為女兒拍片賀壽，更自爆撼贏MIRROR，在女兒心地位直線上升。
英皇電影《盜月者》今日（27日）於大埔舉行開鏡拜神儀式，今次是張繼聰及白只相隔六年後再次合作，二人於戲中飾演不法分子。問到再合作有何感覺，阿聰以比喻笑言：「嗰啲人結咗婚好耐，咪去一次旅行會有愛火重燃，我諗係有類似咁嘅感覺。」白只亦謂好很開心可以再合作，二人之間的話題也多了。提到該片早前於日本取景，問到可有拍攝趣事，阿聰說：「我見Edan（呂爵安）同阿Lo（盧瀚霆）成日望住我哋，問點解你哋可以咁好笑，即係成日自己兩個喺度笑。」
對於Anson Lo早前拍攝另一套電影時受傷，二人於《盜月者》有不少動作戲，問到可有擔心受傷，阿聰笑謂日日通宵令肝戰鬥力扣減：「佢哋後生就會係傷關節。我哋年紀大咗識保護自己，就唔會郁咁多，但係個肝嗰個承受程度就差啲囉。」
阿聰於月中於舉行《香港電影金像獎頒獎典禮》上輸給劉青雲，未能奪得男主角及男配角獎頂。他表示未有感到失落：「對於我嚟講我係覺得好感恩，我覺得都贏咗，贏咗好多朋友嘅支持同埋鼓勵。我覺得呢樣嘢其實已經係好好，所以都係繼續努力。」二人又互笠高帽，他指曾奪男配角獎的白只攞獎方面經驗好豐富：「咁白只哥叫我繼續做，咁我就繼續俾心機做囉！」白只亦表示阿聰是他心目中最好的演員：「有機會嘅話就要跟你學吓嘢。」
此外，阿聰日前於社交網站上載15歲兒子張瞻的背肌照，並留言謂：「終於肯跟老豆（逗）做吓Gym。」但有網民指會有礙張瞻發育，不應讓兒子健身。阿聰解釋說：「其實係做吓運動啫，又唔係操肌。大家放心，我唔係叫我個仔參加比賽或者練到好勁，只不過係鼓勵做運動。我覺得年青人幾時做運動都梗係好㗎啦！但係都真係要姿勢正確，唔好過量。咁對成長一定有幫助。」他亦笑言經過多個月的努力，終在MIRROR奪回女兒的歡心，他指女兒跟他說：「爸爸，我都係覺得你最靚仔。」他又透露在日本拍攝時撞正女兒的生日，要請Anson Lo為女兒拍祝賀片段：「我成日都幫人拍片，估唔到自己都有今日。」
