分類：娛樂

《福祿壽訓練學院》真人騷成員黃建東（Derek）和趙頌宜（Maggie）接受新城訪問時，獲家燕姐大讚是扮嘢高手，更帶挈兩人返內地登台搵真銀。Derek自爆擅長浮誇，但曾被阮兆祥要求收（歛）啲。

曾於2014年與王祖藍主持《Sundy扮嘢王》的家燕姐在錄音訪問中，大讚Derek和Maggie是扮嘢高手，但她有感扮鬼扮馬不容易，「之前我哋一個騷要扮兩、三個角色，做完先知扮嘢係咁難。」

參加2011年香港先生選舉入行的Derek，對演藝事業充滿熱誠，家燕姐問他參加扮嘢比賽有甚麼難忘事？Derek表示：「參加呢類節目比較難，因為之前成日扮嘢都扮過女人同扮阿伯，仲有咩新鮮感畀大家？同埋扮聲唔係我強項，所以心理壓力好大，我擅長浮誇，但祥師兄（阮兆祥）要我收（歛）啲，收係一個難度。」

至於在選秀節目《聲夢傳奇2》中被彈台風「一碌木」的Maggie，自爆小時候已經熱愛模仿，所以參加《福祿壽訓練學院》，Maggie表示：「我細個已經好鍾意扮嘢，見到咩好笑嘅人就扮，試過扮郭晶晶。」家燕姐激讚她：「你喺節目到扮蔡琴真係好成功。」Derek亦表示：「佢綵排時好似冇信心咁，到正式時就放晒出嚟。」

Derek和Maggie因「好戲」獲家燕姐賞識，帶挈兩人返內地登台搵真銀，家燕姐透露：「我返去開會時提佢哋個名，大家即刻話好想見佢哋，咁我話返去問吓佢哋得唔得閒，今次好難得同佢哋一齊上去。」

 

香港導演、武術指導及監製，「七小福」成員之一的元奎，日前（12日）傳出早於兩年前在加拿大因新冠肺炎病逝。消息源於成龍慶祝元家班成立65週年的微博貼文，文中寫到：「這次聚會，我們一起緬懷已經離開的師父、師母，於素秋師姐、元麟、元音、元茹、元奎、元蓉等兄弟姐妹，也彼此囑咐一定要珍惜身體，迎接下一次的相聚。」間接爆出元奎離世消息。隨後，香港電影工作者總會發言人田啟文也證實元奎的死訊，並表示：「約兩年前，元奎因為新冠肺炎病逝，但基於家人意願一直未有公開，以我所知他早年已移居加拿大。」

 

 

元奎，本名殷元奎，1950年出生，是香港導演、武術指導、監製兼演員。早年與洪金寶、成龍等人師承與京劇大師於元占，是「七小福」成員之一。後進入片場當武師，繼而正式擔任武術指導，參與過《新蜀山劍俠》、《龍少爺》、《地獄無門》等影片。1982年，元奎憑借執導的處女作《龍之忍者》以及參與動作設計的《龍少爺》獲得第2屆香港電影金像獎最佳動作指導提名。

元奎一手提拔了包括李連傑、楊紫瓊在內的多名動作演員，與1992年和李連傑合組正東製作有限公司，被外界公認為「最佳拍檔」。同年，元奎憑《方世玉》榮獲第十三屆第13屆香港電影金像獎最佳動作指導獎和第30屆金馬獎最佳動作指導獎，以及1995年憑《霹靂火》榮獲第三十二屆臺灣金馬獎最佳動作指導獎。1998年，元奎應李連傑之邀到荷裏活發展，在多部大片中的動作設計得到高度認可，指導影片包括《轟天炮4》、《致命羅密歐》、《救世主》、《變種特攻》、《最後一強》、《猛龍戰警》等。

 

全新直播互動選秀騷《我推的野男Live！》，22位野男透過系列競技，誓要脫穎而出，《我推的野男LIVE！》早前被視為賽前熱門之一的2號關經翰（Oswald）「筋肉霆鋒」及3號施顯澍（Austin）面試片流出後，今日再有2位熱門8號李健禧（William）、11號鄧家朗（Ron）片段曝光。

被指貌似藝人張智霖（Chilam）贏得「激凸Chilam」稱號的11號鄧家朗（Ron），一出場便打真軍赤膊上陣，展示強大胸肌及紋身，連在場評審都被嚇一跳， Ron解釋︰「一陣都要除，所以揀唔着。」Ron更提到玩健身的原因都頗為洋蔥︰「本身隻眼（視力）唔係太好，做其他運動好多掣肘，難有進步。細細個睇卡通片、日本特攝片《幪面超人》見啲主角都好大隻，又唔受個人因素影響，操到有成績都幾開心。」

Ron自言最滿意自己側腹肌，結合背肌、胸肌及人魚線，自問體態不俗。他在訪問時已展現頗強的表演慾，震動胸肌配上心型手勢，與評審玩IQ題猜地名，當然沒有人猜中，而最後答案「深圳」（心震）雖然夠爛，但就引到在場眾人大笑，成功出位。

 

就讀大學三年級、現年22歲的8號李健禧（William），為所有參賽野男中年紀最輕，憑外貌激似《激戰》時期的張家輝而被冠上「幼齒張家輝」的稱號，可謂當之無愧。他跟評審的對談互動，仿如棟篤笑充滿喜感，例如被問到拍拖次數，William抵死反問︰「呢個係配對節目？拍咗2次拖。」再被問到是否同女仔拍拖時，他笑說︰「哈哈，係呀。」又評估自身吸仔能力較強，他解釋︰「比較多男仔同我傾偈。」

他的笑聲被女評審喻為「魔性笑聲」。原來他練習健身有段故，William表示中三、中四時在街場踢波，遇到一名身形健碩對手，他回憶說︰「同佢一撞彈開轆咗三、四個圈，我問佢『你踢波定打交呀？』點知佢話『唔踢得去打乒乓波囉』。」 William 聽畢激發起好勝心, 自此便發奮操fit練大隻。

 

 

《我推的野男Live！》觀眾可透過手機App直播，直接以sticker 為心水野男投票表達支持。

胡蓓蔚、支嚳儀、火火及陸浩明（6號）主持、一連22集直播互動選秀騷《我推的野男LIVE！》今晚（12日）起，逢周一晚9點半及周二晚9點35分82台播映。

巴黎奧運特派專員方力申（小方）與黃翠如，在閉幕儀式開始前現身香港直播室分享採訪感受。由於上屆東京奧運是閉門作賽，小方直言今屆奧運比起上屆氣氛熱鬧得多，現場觀眾更不斷玩人浪將氣氛推至最高。小方並自爆獨家採訪均遇上「催時間專員」，大方分享獨門拖延時間大法。

一連兩周的巴黎奧運圓滿落幕，今晨（12日）香港時間3點於巴黎法蘭西體育場閉幕，除了荷里活巨星Tom Cruise湯告魯斯負責傳遞奧運會旗到美國洛杉磯外，美國方面表演嘉賓也巨星雲集，包括美國歌手Billie Eilish、Rapper Snoop Dogg和Dr. Dre、樂隊Red Hot Chili Peppers，及比利時歌手Angèle、法國樂隊Air等。

擁有四屆奧運採訪經驗的小方，談到今屆獲封「採訪界世一」時謙虛表示：「我年紀大，四屆即係橫跨20年，20年做4次其實好冇經驗。」小方續指自己頭兩屆奧運僅為游泳賽事擔任旁述，直到上屆和今屆奧運才真正擔任採訪工作，笑言今屆不少獨家採訪均遇上「催時間專員」，小方還大方分享了獨門拖延時間大法：「每次運動員埋嚟做訪問，都係得兩、三分鐘，試過有人掂我摸我示意要走。咁每次完咗，我都會好有禮貌話唔好意思，頭先冇應你因為做緊live，因為唔可以得罪佢，嗰個地方佢管。然後又送個pin畀佢，希望佢下次唔好篤我。」

 

 

翠如眼濕感觸：第一身見證運動員流下嘅眼淚

翠如則自認在眾「特派專員」中相對較chill，小方聞言即透露翠如撰稿、導演、收音師角色一腳踢，曲線表達對翠如努力的欣賞；翠如表示能親眼見證巴黎奧運很感恩，談及運動員的努力時更一度感觸至眼濕濕：「我一路喺側邊睇住小方佢哋做訪問，第一身見證運動員流下嘅眼淚，作為觀眾好感動。」她又指很難忘在巴黎大皇宮現場直擊「微笑劍后」江旻憓奪金：「現場睇好震撼，因為主場（給予的無形）壓力好誇張，四周圍都係法國觀眾，不停𨂽地去為法國運動員加油，相對現場嘅香港人好少，我哋就不停嗌，我喺現場就不斷咁胃痛，去到後尾（江旻憓）攞獎，全部香港人攬埋一齊真係好感動！」

而第9屆擔任奧運主持的鍾志光（鍾仔），則以四個字「感慨良多」概括今屆主持感受，並以「開心乒乓嫲嫲」倪夏蓮比喻自己對主持奧運的享受：「乒乓嫲嫲參加咗6次奧運，今年61歲，正所謂『人生如此自可樂，豈必局束為人鞿』，最緊要做到自己開心快樂。」

談到今屆因連踩十多小時主持奧運惹關注，鍾仔再次感謝幕後同事關照：「佢哋時間安排得好恰當，等我可以有得瞓。有人話見到你仲要拍《愛．回家》，你知唔知我嗰日幾好，劇組特登畀我遲少少到，兼且跳拍我嘅部分先，等我可以早D休息，係完全群策群力先有嘅效果。」並感性表示懷念昔日鐵腳好拍檔鍾伯光：「同佢做咗八屆奧運，都係坐我隔籬，今屆佢冇同我哋一齊做，冇喺我隔籬都係心有戚戚焉，鍾教授努力、加油！」至於連續主持五屆奧運、與鍾仔同為資深主持的朱凱婷，則在社交網亦分享了歷屆奧運珍貴相片，留言：「莫名其妙嘅感動！」

「奧運之星」劉穎鏇（Tiffany）、何沛珈（Roxanne）、何泳芍（Honey）、鄭衍峰（Leonard）、孔德賢（Danny）以及黃庭鋒在巴黎奧運期間感觸良多，身在巴黎的Leonard最難忘在田徑場上訪問到5位田徑女神，他說：「男子運動員畀檸檬我食，佢哋跑得好快，女子運動員就好好彩可以訪問到，絕對唔係私心，就算佢哋攞唔攞到獎都好，都好想知道佢哋背後嘅運動員精神。」Tiffany透露很開心可以主持奧運：「除咗認識到好多唔同運動資訊，亦都有一個新興趣好想試，就係沙灘排球！」

Roxanne特別感謝江忠德：「佢會喺Break嘅時間問你呢題識唔識答，如果識嘅話佢會喺Live度直接問番你，畀機會你去講。」黃庭鋒、Honey和Danny則最難忘觀眾的熱情和巴黎奧運的設計美學。