組合Twins演唱會昨晚（3日）舉行歌迷場，唱了為歌迷而寫的新歌《忠粉》 ，未唱時更因為歌迷的熱情，讓他們未開口唱已經落淚。
《TWINS SPIRIT SINCE 2001 LIVE IN HONG KONG》昨晚舉行第11場，何超雲、何超蓮及張達明亦有來捧場。蔡卓妍（阿Sa）及鍾欣潼（阿嬌）愈唱愈強，阿Sa在台上表示：「今晚係fans場！真係未開騷，在樓下（後台）已聽你們嗌的聲，太犀利啦！」
講完組合走來22年不容易，最感謝歌迷一直在好壞日子都陪伴到底，讓他們可以行下去後，阿Sa說：「今晚我想唱一隻歌，是一首新歌，這首歌係記錄在最新專輯裏面，兩個字嘅，送比給所有歌迷 ，這首歌《忠粉》。未唱已經想喊……」兩人淚流滿面唱完這首新歌後，降台下來即拿紙巾不停抹淚，兩人不約而同表示：「 太感動啦！真係。要平靜下先….」 歌迷就狂叫他們唔好喊。
平靜完之後，兩個着到公主一樣的Twins，又變回平日瘋癲模樣，突然唱「冇咗你哋我哋會死！ABCDEFG FANS FANS 我哋支持你！」讓現場陪他們哭中的歌迷又忽然開心笑爆，阿Sa說：「 我哋不嬲係咁，想不想像到這22 年，我們都是這樣？哈哈哈…..」現場歌迷狂叫「嘴佢」、「嘴佢」，阿Sa笑住話：「你們真的有咩咁特別？ 又不是未見過？成日都做㗎啦！」二人敵不過現場萬人大叫「嘴」， 便搞笑跳出像打功夫一樣舞步，阿Sa拉阿嬌過來嘴，但第一下竟然係失手相撞，笑爆全場。第二次再真係完美嘴到，歌迷叫聲亦嗌裂整個紅館。阿嬌嘴完之後就笑道：「真的無聊呀你哋！見是fans場滿足下你們啦！」
安歌時，Twins亦換上新衫出場，萬人K歌大合唱經典歌後，每晚給予觀眾評分的阿嬌，就打出500分！阿Sa更說 ：「 今晚是否不用睡，我都不想走啦！點歌啦，安歌到凌晨三點呀！」讓氣紛推上最高潮，歌迷瘋狂點歌，最後他們安歌了五首歌：《大浪漫主義》、《百試不厭》、《士多啤梨蘋果橙》、《大紫大紅》及《死性不改》，再以《風箏與風》作結，讓歌迷大滿足離去。
