新城廣播在首席營運總監馬浚偉帶領下接連有新變動，其中知訊台三月迎來大革新，「鬼王」潘紹聰強勢回歸令網上再掀討論熱潮外，重量級主持譚玉瑛、何基佑、歐陽德勛、漢陽亦加盟開咪。
潘紹聰出席新城節目巡禮受訪時表示：「其實15年後返嚟娘家新城電台呢度，的確係有啲感觸嘅，真係要多謝馬生（新城營運總監馬浚偉）嘅邀請。好記得嗰陣時傾係喺間房度，佢仲話如果我唔應承就出唔到呢間房，就係咁我就應承咗佢返嚟，會喺每個星期六晚開咪主持《恐怖熱線》。（重金禮聘請你返嚟？）哈哈，呢個世界就講心嘅啫，但都要講少少嘅金嘅。總算合理價啦，但唔及Viu TV咁多。」
做回DJ老本行的譚玉瑛、連同何基佑等主理的《QK玉瑛室》邀請城中重磅嘉賓，以生活品味談天說地，分享生活點滴、趣事及心底話。靚聲復出的歐陽德勛，成功邀好友蘇永康唱出新節目主題曲《沿途有我》，同樣令人期待。
另外新城廣播創作總監身兼主持葉文輝（啤梨）當年主持的經典歌唱音樂節目《卡拉O!BABE》，今次將直播室變成K房，隔空練歌，無論任何年齡、任何地區，都可以做「歌手」。
新城改革在網上討論區引起不少正面迴響，有人好奇「佢（潘紹聰）自己個網台本身都賺唔少，新城開咩價俾佢」，「佢（潘紹聰）俾面新城先返去做啫」，亦有人形容潘紹聰是衣錦還鄉，「當年個節目係咁俾人改時間，好PK」，「唔覺得佢（潘紹聰）而家需要做多份」，亦有人比較昔日要在網台付費才可收聽，相比下現時可在新城「唔洗錢聽」比較划算，又讚「一個禮拜一次，有吸引力」。有人認為「啤梨個卡啦o babe 似有d 搞頭」
點擊收看新城知訊台節目巡禮：