支嚳儀（Venus）今日（7日）到電台宣傳新歌，更一日走足八場，感覺興奮。她指會平衡工作和家庭生活，不擔心兒子會「詐型」。
主持亞洲聯合衛視節目《香港範》出道、憑《中年好聲音》一炮而紅的支嚳儀為宣傳新歌《Gotta Try》，今日（7日）到新城電台接受黎莉《勁爆樂勢力》訪問。Venus透露演繹新歌甚有難度，錄音時重覆演繹了很多次，她指：「後尾我拿了蛋糕出來，叫監製同我一齊食，我跟他說我有少許後悔揀這隻歌，不過我覺得自己是可以的 」
Venus希望新歌《Gotta Try》能令大家聆聽自己的內心聲音，放膽去嘗試，主持問她曾幾何時有放低過？Venus表示：「放低了十年，這十年都冇參加其他比賽，結完婚生B就走去創業。至於何時重燃呢？就是炎明熹參加《聲夢傳奇》，我一聽到她唱王菲的《百年孤寂》就起晒雞皮，她有那種火喺到，我就話點解沒有這種種比賽給35歲以上的人參加，可能係吸引力法則，有日我去朋友嘅生日飯，見到JW（王灝兒），跟她講番這件事，她就拿個手機畀我睇《中年好聲音》的海報，她叫我試吓，我就自己報名參加。」
Venus其後接受傳媒訪問時，表示早幾日已開始宣傳，今次已是第三場宣傳活動，而由於她全日要跑足八場，笑謂終於體會到做歌手的流程，感覺很興奮，亦不覺得累。問到兒子可有「詐型」，她說：「我識平衡，今日忙完明日就會畀晒所有時間他。」她續說每晚12時至凌晨4時會做剪接影片工作，每天早上10時起身湊仔，覺得心理健康最緊要，投入每個角色。
她又稱有留意網上反應不錯及評價正面，稱不止覺得首歌好聽，好多人覺得首歌好像為她度身訂造，覺得好似她的性格。至於老公有何評價，Venus謂老公好期待她下一首作品：「聽Demo時老公都在場，覺得首歌好適合我，好似揀婚紗般覺得這件最襯。」
提到早前與其他「中一生」飯敍，同時欣賞她新歌首播，而周吉佩更負責埋單。Venus感謝大家支持，又表示每逢有人出新歌，大家都會支持和轉發。