馮允謙（Jay Fung）、雲浩影（Cloud）、衛詩（Jill）等人日前出席護膚品聖誕活動，三人更為活動獻唱，將節日氣氛推至高峰！剛推出唱片Jay Fung表示好開心嚟活動之前我都去咗唱片鋪，自己買咗幾隻，嚟到見到啲Fans已經買咗，真係多謝大家支持！」提到今年頒獎禮有機會「大滿貫」，他笑言獎項「唔好諗太多」，但對自己作品滿意。
而Cloud就話依家專注工作，無時間諗「戀情」：「今年冇『佳人有約』，就係約咗啲同事開Party，其實最想同工作約會！（有冇人寫深情聖誕卡比你？）我諗我啲Fans會寫比我。」
衛詩為活動獻唱聖誕歌曲，她表示現自組公司發展，或與家姐再合作：「同家姐都有傾過，依家物色工作人員，好快會再有新歌。我同家姐由細到大都會share所有野，包括衫、褲、鞋、襪都會！（佢啲衫你啱著？）哈哈！我係好鍾意佢啲衫㗎。」
同場嘅陳穎欣早前與家人去澳洲旅行，笑言「見動物多過見人」，出席活動感緊張：「可以同屋企人一齊真係好舒服，以前因為工作錯失好多時光。今次旅行食多咗，所以肥咗啲啲，但一返香港就『腸胃炎』病足幾日，即時瘦翻晒！」提到早前Kayan9896 離開「試當真」，Yanny為對方發展送祝福：「每個人發展，去到不同時刻都有唔同方向，我都很替她開心，見到佢做音樂都做得好好，希望她搵到自己喜愛嘅事發展。（到你做一姐？） 我地呢啲網台都有呢啲野咩？我地係男權至上嘅台，我時刻都為女仔爭取一啲位置。」Yanny生日在即，佢就話每年都唔「大搞」Party，仲話想食雞煲慶祝。