黎耀祥（祥仔）今日（14日）以代言人身份現身工展會，為品牌擔任一日限定店長，期間引來不少顧客幫襯，有大批市民圍觀合照，又表示支持並投票撐他再度封視帝。向來親民的祥仔，被邀自拍合照、簽名都來者不拒，任影唔嬲，成功為店鋪招財。
黎耀祥憑叫好叫座的《巾幗梟雄之懸崖》再度成為最佳男主角的大熱人選。祥仔表示：「我都好鍾意做這類型活動，可能《巾幗》播完不是好耐 ，大家見到會特別親切，我都有把握機會代表《巾幗梟雄之懸崖》拉一下票！」
有市民力撐祥仔破紀錄，成為首個四奪視帝的藝人，祥仔笑言會以平常心面對：「講真一直對獎項都好佛系，觀眾對三個角色柴九、劉醒、大太監李連英都好鍾意，仲要有獎項去認可，已經破了自己的紀錄，感到非常滿足。不過今日見到市民、街坊打氣時有個想法，覺得有份落場參加比賽，要有體育精神，所以都好努力吖，叫大家鍾意就去投票支持下，始終每個獎項都係對台前幕後努力過的人一種肯定同鼓勵。」
