新冠肺炎疫情依舊嚴峻，英國前球星碧咸（David Beckham）與老婆Victoria早在疫情開始於歐美蔓延時已確診。據英國傳媒報道，夫婦二人早喺3月已經中招，二人社交圈子非常廣，不時喺英、美都大搞派對，有機會是疫症的超級傳播者。
知情人士指，碧咸喺邁阿密開始感到身體不適，後來Victoria亦喉嚨發炎並發高燒。當時碧咸雖然身體不適，但佢有宣傳義務，所以仍與老婆參加各大社交場合，與Fans同埋一啲球會要員握手、親吻打招呼，暴露喺受高傳播風險下嘅人不計其數。與此同時，佢哋旗下嘅員工包括司機、保鑣同助理均出現不適。
Victoria事後要求全家人嚴格地於鄉間豪宅內居家隔離超過2周，知情人指Victoria「害怕自己可能是超級傳播者，所以竭盡所能降低風險」，幸好他們後來都痊癒，之後碧咸夫婦同佢哋嘅團隊都Keep住檢測。據知佢哋早前取消埋二仔Romeo嘅生日慶祝活動，繼續保持「社交距離」。
