翻山越嶺拍攝的紀錄片《無窮之路》在內地爆紅之餘，亦曾在內地及海外屢獲殊榮，陳貝兒（Janis）團隊決定再下一城添食《無窮之路II—無價之保》。攝製隊今次頂着惡劣天氣及低含氧環境，到訪位於全球最高海拔（海拔近5,000米高）青藏高原東北部、有「生命的禁區」之稱的可可西里。
於節目中經歷一整天暴風雪洗禮及長期處身低含氧環境，鏡頭前數度氣喘的Janis身體響起警號，並一度難過落淚，Janis說：「我已經着咗七層衫、四條褲同埋黐咗三個暖包，但拍攝當日因為喺冰湖旁邊，零下缺氧又吹咗強風成個鐘，着幾多層衫都冇用。上車後突然個頭好暈，後來醫生話我係急性失溫症。」
到晚上，保護站的休息環境亦未見得很好，除要忍受氣溫進一步下降，更要在「冇水冇電冇物資」情況下醫肚及休息，洗澡更是遙不可及的奢侈。
Janis坦言雖然自己和攝製隊只體驗了很短時間，但已深深感受到當地守護者的艱難及偉大，Janis說：「除咗呢班守護者，仲有好多義工都係好無私，佢哋來自中國唔同嘅地方，喺可可西里傳承前人嘅夢想，共同守護綠水青山，令到整支攝製隊都好佩服同感動。」
雖然歷盡艱辛，但當Janis親眼目睹「藏羚羊大遷徙生B」的珍貴震撼場面，便深深體會到當地守護者及義工們的心聲—「一切辛苦都是值得的」，Janis邊看着藏羚羊媽媽快樂安心地奔走、一邊激動哽咽謂：「見到佢哋依家咁悠然自得，諗番起以前佢哋一步一驚心、隨時有畀人獵殺嘅可能，依家佢哋終於擁有應該屬於佢哋嘅安全感。」
《無窮之路II—無價之保》一連十集，由8月25日起，逢周四、五晚十點半翡翠台播映。