陳煒（煒哥）父親於今年四月因病離世，當時煒哥正忙於拍攝劇集《回歸》，不過她絲毫未有因而影響表現，獲台前幕後大讚專業。煒哥接受無綫娛樂新聞台《星光路上》專訪時，坦言由於父親離世時年事已高，故未算太難接受，反而最難過莫過於：「覺得自己好少時間陪伴喺佢身邊，過唔到自己嗰一關。」
煒哥坦言父親雖然沒有說出口，但她清楚感受到對方以自己為榮：「我知道佢成日攞我啲相畀佢啲朋友睇，會好開心聽到人哋讚美我。」
煒哥透露其實由踏入18歲開始，陳父每年都會為她索取「香港小姐」報名表格，但煒哥當時因害羞，未有予以理會：「着住泳衣行嚟行去咩，唔得㗎嘛。」問到有沒有承諾過父親要做出成績？煒哥即哽咽說：「其實冇特別講呢啲，2018年我拎到『最受歡迎電視女角色』，同馬國明一齊夾份搞慶功，我都有請爹哋嚟……（開始淚崩並以紙巾拭淚）當時爹哋係好開心可以分享到我嘅喜悅。」訪問完畢後，煒哥應無綫娛樂新聞台要求，向亡父發表愛的宣言，內容感性。
演技大躍進 有賴前輩鞭撻
1996年參選「亞洲小姐競選」奪冠入行的陳煒，轉眼間加入娛樂圈超過25年。煒哥笑指因為化妝師朋友鼓勵她多開眼界，才下定決心參選亞姐。雖然憑亞姐冠軍身份入行，甫拍劇即可擔當女主角，但煒哥卻因而碰釘無數。煒哥指當年合作期間，曾被同劇的鄭則仕（Ken哥）鬧得好甘：「因為佢要求好高，令我短時間內急速成長。25年前如果冇佢，我相信我今日成績應該冇咁好。因為Ken的帶領，令到我慢慢知道咩叫演戲。」陳煒曾表示，由她入行至今，Ken哥會留意她演出每部劇，並會加以提點。
醉心演戲的煒哥，坦言不介意加盟無綫後重新「由低做起」、或是需要性感演出。反而她覺得最大挑戰是演霸氣角色：「同我本人性格落差太大，本身我把聲好柔弱，依家慢慢練到粗豪晒。因為要做有氣勢嘅角色，你必須用到丹田嚟講對白，好攰！尤其《宮心計2深宮計》，攰到不得了。」
讚陳展鵬好Man
煒哥今年先後有《雙生陌生人》、《回歸》及《黯夜守護者》三部作品推出，她指三部之中，最難而又最喜歡的是《黯夜守護者》：「呢部戲份最重，同埋好開心可以同到展鵬合作，起碼十幾年冇同佢合作。我哋每一場戲拍之前都會傾一傾先，佢好成熟同好MAN依家。」