張敬軒（軒仔）一年內第二度開騷！繼年初紅館個唱後，軒仔下月底於灣仔會展舉行10場演唱會。張敬軒上年聖誕20週年演唱會同歌迷一齊過之後，今次軒仔準備為二十週年再做一個大總結，想同軒仔一齊再過歡樂聖及新年！
張敬軒一年內兩度開騷。
軒仔將於12月20至1月2日舉行《Revisit張敬軒演唱會》，所以今次大會連海報都在一個大型機艙拍攝！三年沒有上過機，無論軒仔及工作人員上到機都非常開心及懷念，軒仔笑言話直頭有「陌生感覺」。但這三年不能飛，他認為也不是很可惜，因為大家花多好多時間遊歷香港這個地方：「呢三年大家睇多咗香港本身好多靚風景。而且疫情都教咗我哋好多嘢，人同人之間相處回憶變得好珍貴。」不過他亦真的非常期待可以飛，所以一做完這個騷，他就會馬上飛去旅行。
今次個唱海報，張敬軒於大型機艙拍攝。
今次個唱由紅館移師到灣仔會展，軒仔說：「我哋之前做完26場二十周年演唱會，歌迷話我重有好多歌未唱，重想聽，所以見時間又OK，好多方面都配合到，所以就決定不如一齊為呢個20周年寫上一個完美句號啦。 演唱會用《Revisit》，這個字中文解作舊地重遊。所以這個演唱會，我將帶領大家，用我的歌同大家一起重遊20年的回憶。對人對事對青春一齊來遊歷一次，我相信歌迷同我一樣，會有好多回憶。」
張敬軒話個唱今次好重本。
今次個唱開三面台，軒仔表示非常有新鮮感：「今次我哋都好大製作，好重本。首先係音響方面，保證証每一個觀眾會有聽覺上最高之享受，另外視覺上都會好靚，聖誕新年是開心日子，所以成個騷不會似上一次咁heavy，會歡樂好多。另外都一定唔會剩係唱 Side Track，雖然好多歌迷話好多 Side Track想聽，但係今次係重遊20周年的歌，所以經典的好聽的都會唱。」