亞視經典劇集《我和殭屍有個約會》三部曲系列成為不少電視迷的集體回憶，然而作品相隔24年後將再次驚喜登場，由原創鬼才編劇陳十三延續經典，身兼編劇及導演，把《殭屍》以電影方式重現，並命名為《驅魔龍族馬小玲》。不過《殭屍》迷原本最期待的萬綺雯、尹天照等原有演員班底將全部換上新臉孔。
新片《驅魔龍族馬小玲》會沿用《殭屍》原有角色人物及都市奇幻題材，但配上更強之全新演員陣容及全新創作的故事。全新電影版由黃宗澤飾演「況天佑」、吳千語飾演「馬小玲」、蔡潔飾演「王珍珍」。另一重要角色「金正中」，則由電視版的杜汶澤換上岑珈其。
珈其日前在馬來西亞拍完另一套電影返港，周二晚（22日）隨即投入《驅魔龍族馬小玲》的拍攝工作。電影版《殭屍》的「金正中」是個不學無術的宅男，一天到晚只想做網紅。謝雪心就飾演其母親，珈其說：「成日同阿媽 （心姐）講諗到啲好主意，我哋拍條片就成功，就會爆紅，成日唔想努力，阿媽就想佢搵啲嘢學吓。」
周二晚（22日）珈其以「玄武童子」造型拍戲，他笑說：「係講我好叻、識法術，但其實係扮，過程中我扮得好有自信好犀利，其實平時嘅『金正中』係冇乜自信，又懶，乜嘢都唔叻嘅一個𡃁仔。」
珈其細個時都有睇過《我和殭屍有個約會》，他說：「係我兒時一套經典到爆嘅電視劇，黐線，覺得點解可以咁勁嘅。」在旁的心姐問他「你識睇嘅？」珈其說：「嗰時會追㗎，但嗰時唔識得細味成套劇，但都會諗點解識得諗呢啲題材嘅？殭屍喎，好型喎，好鍾意。」珈其最鍾意電視版《殭屍》的「馬小玲」，覺得這個角色很經典、很吸引。
心姐稱其角色太溺愛兒子：「係錫到有啲縱，因為家庭環境好現實，老竇又唔生性，獨力湊佢供書教學，點知佢想做網紅，咁我又隨佢癲好幫佢，但我哋都係唔叻嘅神棍，搵唔到錢，都幾得意。」心姐稱導演陳十三筆下創作的《殭屍》無人不識，今次自己有緣參演亦感開心。
珈其月前於《試當真》製作的《我和殭屍有個誤會》劇場版內，曾扮過「金正中」一角，獲不少網民稱讚還原度高，陳十三亦覺得珈其非常脗合角色，決定邀請他參演。