蘇麗珊（Ceci）今年加盟華納唱片後推出的第三首歌《愛情只是藝術品》，由她親自操刀作曲，令人驚訝Ceci原來除演戲外，亦擁有音樂創作的才華。
Ceci表示其實多年來也有歌手夢，只是之前一直未遇上機會，直至簽約華納唱片後，她幾乎一有時間就躲於家中創作，累積作品已達十多首，但一直未有勇氣公開。回想當天她戰戰競競把歌曲交予公司時，已早打定輸數不獲公司採用，詎料最終被選中，令她感到既夢幻又開心。
Ceci新歌名為《愛情只是藝術品》，她謂作曲時本想抒發一些埋藏心中的傷痛及黑暗面，沒料到跟填詞人討論後，對方用歌詞把作曲人的情感推到極致：「裏面歌詞唱嗰陣我都覺得好震憾，好鍾意MV之中的故事，亦是講到兩個人的愛情，得不到完美結局便寧為玉碎，不作瓦全。」但片中的結局見到她手執碎玻璃，準備殺死男友，Ceci笑道：「本來係我殺，後來導演話去勁少少。我想殺又殺唔落手，最後男友自己拉我隻手自殺。不過MV影片亦留咗白，冇做晒成個過程，等大家有另外一個自行想要的結局。」
問到Ceci曾經有否一段愛情係傷到佢想殺人，Ceci坦言真係有，不過已經過去，當時的所有委屈受騙及痛都化了落這隻歌之中，跟這段傷痛作一個永遠的道別：「咁人係唔可以一直帶住過去生活。嗰段感情我放咗落碎紙機，佢只會係一個人生經驗，一個教訓，而唔會再午夜夢迴時影響我。但係我就做唔到分手亦是朋友這種大方。我一定唔得。」
MV之中，Ceci首次披上的婚紗物料源自垃圾膠袋：「着起照鏡個陣都覺得好開心，覺得幾靚呀，哈哈。」問到有冇諗過幾時真正穿婚紗嫁人？她說：「有諗過結婚，不過冇諗過時間係幾時，目前都係專心工作先啦。」