鄭俊弘（Fred）於無綫劇集《輕．功》與黎耀祥有不少對戲，他直言學到好多嘢：「拍攝遇到咩問題都會問阿爹（劇中對祥哥稱呼），同埋會一直觀察佢做戲，睇佢點樣排戲、理解劇本，就算大家排好戲，佢都會繼續自己喺度排戲練對白，我都偷咗佢呢招。」
Fred於劇中飾演的中韓混血兒，性格戇直開朗加上半桶水廣東話，經常鬧出不少笑話，深得觀眾喜愛。Fred受訪直言這個角色好玩：「成日講錯嘢，九唔搭八咁，所以喺現場亂噏都得，唔使點記對白。」他續笑指角色比較天真同活潑，所以演這個角色時都覺得自己後生和開朗：「同埋個角色都係好鍾意打功夫，又會唱吓歌彈吓結他，同我有啲相似，好似一個傻版嘅我！」
為逼真學啪骨
劇中飾演物理治療師的Fred，需於不少啪骨場口現身，為求效果逼真，他拍攝前專誠跟師傅學習。無綫娛樂新聞台當日直擊Fred其中一場啪骨場景，只見Fred認真聆聽師傅講解，親自落場時亦好快上手，非常專業。Fred透露，啪骨一點都不簡單：「要摸啱啲位去啪，真係要用好多年時間去訓練，我拍攝時都只係做啲動作，但我都真係學到一、兩招啪到嘅，朱仔（朱敏瀚）日日開工前都叫我幫佢啪。」
此外，《輕.功》上周最高收視17.7點（115 萬觀眾），《法證先鋒 V》最高收視21 點（136 萬觀眾)，升 0.5 點，《愛·回家之開心速遞》最高收視 22.8 點（148 萬觀眾），升1.6點。周日的《獎門人開心感謝祭》，最高收視24.9點（162 萬觀眾），升2.2點，續踞收視榜首位置。緊接播出的《中年好聲音》比賽進入第二部曲，五十強繼續迎來兩個只能活一個挑戰！最高收視20.7點（134萬觀眾），升1.2點，為該節目開播以來最高收視一集。