張國強（KK）於無綫劇集《有種好男人》飾演背妻偷食的「咸濕富豪」，他受訪時表示：「拍呢類戲好多時都幾踩界，好彩啲對手都信任我，大家知道點樣達到效果。」並謂最難忘跟Ali的漫步沙灘戲，皆因拍攝當日氣溫急降又大風，加上劇情所需要赤腳，令二人凍到震，KK續道：「嗰日我準備咗薑茶同Ali（李佳芯）分享，點知佢又有，所以佢係一個幾窩心嘅好拍檔。」與太太結婚34年的KK出名「愛妻號」，雖然過去不止一次與女拍檔有親密演出，但入行46年仍能保持零緋聞，對此KK說：「多謝太太多年信任。」
出動廿萬私伙手袋
而莊鍶敏的角色需要經常盛裝出入上流社交場合，貴為「大馬拿督千金」的她透露有出動私伙配襯，價值約20萬的Hermès Kelly手袋更是貴氣十足。問現實可有接觸「進擊拜金女」，她笑言：「我有見過三五成群嘅女仔特登學金龜鍾意嘅活動，譬如打高爾夫球，又會自學點接近啲金龜。」至於有否被女生要求介紹筍盤？莊鍶敏笑言：「啲女仔通常都咁講，但我未試過介紹筍盤畀朋友，因為我身邊都唔夠筍盤，我自己都好想要！」
「着鞋論」比喻愛情
此外，問到葉蒨文（Sophie）現實中可有像劇中角色般恨嫁入豪門，Sophie透露無論於英國留學期間，抑或現時身邊都不乏富二代及有米男士，但她認為品格更重要，並謂自己揀另一半着重性格夾唔夾，最喜歡風趣幽默的暖男，Sophie並以「着鞋論」比喻愛情：「有錢係Bonus，但首先要快樂，為錢勉強自己唔會快樂。我覺得揀伴侶同揀鞋一樣，適合舒服係最好，好似我屋企最貴嗰對高踭鞋我好少攞出嚟著，我都係最鍾意着波鞋。」
