蔣家旻於劇集《美麗戰場》中飾演「反骨琪」一角演技出色，以大熱姿態奪得「最佳女配角」。同劇的劉佩玥則膺馬來西亞視后。
蔣家旻台上致謝辭時，除多謝曾志偉及樂易玲給予信心外，亦曾特別多謝曾勵珍：「你一直睇住我成長，畀咗好多機會我培養我。由《愛‧回家》揀我做『馬子妮』，令我呢個角色深入民心。去同幾年前你幫我改變形象，畀個突破我，多謝你一直對我都咁有信心。另外多謝葉念琛導演創造咗『反骨琪』呢個角色，成為我演藝路上的一個代表作，令我超越咗自己。」
入行15年始獲獎，她續感觸說：「好多人覺得我喺演藝路上行得畀人慢，但我喺訓練班出嚟，我真係望住好多師兄師姐，一步一腳印行出佢哋嘅成就，令我明白堅持嗰份可貴。如果冇過往一啲經歷，或者每個角色畀我嘅經驗，我唔會一次又一次超越到自己。所以我會帶住對演戲呢份熱誠，做好我自己。」而「最佳男配角」由《下流上車族》的鄧智堅奪得。
劉佩玥（Moon）同樣憑《美麗戰場》贏得「馬來西亞最喜愛TVB女主角」殊榮，她得知獲獎後大感愕然，在台上含淚說：「真係冇諗過攞呢個獎！」她感謝曾勵珍及樂易玲：「你哋由我入行開始一直都教我好多，你哋讚我、鬧我嘅，我唔會淨係記係腦度，而係記喺心上。」至於劇集《超能使者》贏得「馬來西亞最喜愛TVB電視劇集」，陳展鵬亦憑該劇，第三度奪得「馬來西亞最喜愛TVB男主角」。
周嘉洛憑劇集《痞子殿下》中「紀威」一角奪「最受歡迎電視男角色」，成為該獎項最年輕的得獎者。他在台上說：「呢一刻我未必可以好穩咁攞呢個獎，但我會證明畀大家睇，喺之後嘅日子做得更加好，演好戲畀大家睇。」他受訪時坦言相信獲獎後會受到質疑，但解釋不到太多，盡力做好自己。
而郭柏妍首次提名「飛躍進步女藝員」即一擊即中，她得悉獲獎後，與劇集《下流上車族》中飾演其母親的江美儀攞抱。她在台上感謝公司給她追夢的機會，及找她這張白紙拍劇的所有監製。
「飛躍進步男藝員」則由《愛‧回家之開心速遞》的吳偉豪奪得，他在台上表示入行七年現在才有資格獲獎，更感謝到場支持他、曾參加《中年好聲音》的父親吳大強。