無綫小生張振朗昨晚（14日）拍攝一場動作戲期間發生意外，他被座地燈擊中眉骨爆缸，即時到私家醫院求醫，需要縫七針。
無綫助理總經理（藝員管理及發展）樂易玲周日（15日）早出席公益金百萬行開步禮活動時，透露張振朗昨晚拍攝新劇《奪命提示》時，被座地燈撞中眉骨，即時血如泉湧，劇組安排他到九龍聖德肋撒醫院治療。
從張振朗受傷的照片可見，左眼眉骨有縫合的瘍疤，傷口亦見紅腫。「大千視界HK」記者致電振朗了解事發經過，他透露當時正拍攝一場動作戲，眾演員手腳事前均戴上護墊，形容發生意外是始料不及。他感謝監製文偉鴻及樂易玲為他找尋最合適的醫生，希望不要留疤：「縫咗七針，需要少少時間康復，先可以拆線。（擔心拍攝進度？）我自己再都好怕會影響到，因為大家好畀心機，呢陣子辛苦陳山聰、劉佩玥同劉穎璇。」他謂希望可以早日痊癒，與其他演員並肩作戰。
事發時同場的劉穎璇受訪時表示，當時自己亦有動作戲份要兼顧，未有留意到意外發生經過：「事後都見到佢有流血，所以都有啲擔心佢。但嗰一刻唔係用驚形容，係好緊張，因為唔知佢傷勢如何同埋有幾嚴重。」她指現時先拍其他戲份，希望張振朗休息足夠才歸隊拍攝。