【娛樂】陳穎欣首赴米蘭睇騷 自爆學生時期遇「時裝車禍」

香港前五人女子組合Super Girls成員陳穎欣（Yanny）獲邀到意大利米蘭出席時品牌時裝騷，期間Yanny身穿「經典藍」短身毛衣配搭百褶長裙示人，再配上毛茸茸粉藍色品牌標誌性泰迪熊大衣，簡約優雅之餘，亦增添甜美青春感覺；而首次到米蘭睇騷的Yanny坦言十分興奮。不過旅途過程中，Yanny卻因時差導致嚴重失眠。

今次舉行時裝騷的場地，前身為教堂、瘟疫隔離所、甚至醫院，如今成為公園及文化活動場所，當中巴洛克的建築風格，成功吸引打卡熱點。難怪首次踏足意大利的Yanny對此行大叫難忘，不時舉手機自拍，表現興奮，她說：「本身未去過意大利，今次終於睇驗到呢個地方，真係好興奮，而且仲可以喺咁宏偉嘅建築物下，欣賞喜歡嘅品牌時裝，所以好難忘。」 Yanny更被安排成為頭排座上客，有機會親身入後台與品牌創意總監會面。

提到衣着風格，Yanny指自己喜歡簡約風，最好是線條俐落、設計簡單。回首讀書年代的衣着品味，她笑言當年可算是「時裝車禍」，她稱：「讀書時期好鍾意DIY設計飾物，一來讀書時期冇錢，二來讀美術好喜歡設計，但而家回想真係有啲奇怪，因為我DIY得有啲唔靚，而且又掛到成身都係，我會形容自己好似一棵聖誕樹，好彩當年唔係成日影相，呢一幕嘅造型只會留喺我啲屋企人、朋友、鄰居同埋我嘅腦海入面。」