糖妹（黃山怡）昨晚於無綫劇集《新四十二章》有場於後巷與鄭家生激戰戲份，雖然糖妹「吊威吔」在的士上跳高擒低，已相當考腰力和腳骨力，但竟都不及耍劍讓她傷腦筋。由於糖妹需要先將劍拋高才刺向家生，為拋得更有型、刺得瀟灑，糖妹重覆排練N咁多次，但仍數度甩手，驚現「空中飛劍」。
該場戲雖只佔分半鐘，但足足拍了一個晚上加一個通宵。據糖妹提供的花絮片段，糖妹受訪時坦言耍劍心理壓力比吊威也還大：「因為好驚會整親人。」而打至衣衫盡濕的家生，全程就住糖妹嚟打之餘，還不時從旁指導，糖妹亦大大感激家生謂：「家生哥幫咗我好多，我郁時佢會用佢嘅經驗去就番我。所以拍攝算好快，主要都係轉威吔方向要啲時間。」糖妹又搞笑指打戲最難是Keep靚樣：「武指成日叫我唔好擘大個鼻哥窿，又話唔可以眨眼。」
試爛面妝感「杰撻撻」
昨晚該戲份講述糖妹大打一場後不但吐血，半邊臉更出現崩塌恐怖狀。對於於「塌臉」造型，她笑言是入行以來首度「整塊臉倒模」：「我依家有個人形石膏喺TVB化妝間，好勁㗎，哈哈！嗰個造型每次拍之前係要黐上去嘅，好彩拍嗰時唔使打太多，因為嗰塊嘢撻落塊面度，再加埋出汗嘅話都好杰撻撻。」糖妹還額外展示了自己的清朝裝造型照，配合爛面妝加服指專誠打造的七彩民族風造型，夠晒「百變」。
謝嘉怡晒流利俄文
此外，前歐亞混血兒港姐冠軍謝嘉怡亦於昨晚一集登場，飾演以俄文問路的紅衣美女。雖然嘉怡自小在蘇格蘭長大，但在劇中說俄文有板有眼，但原來她本身不懂俄文，她受訪時透露是專誠為了拍劇向俄羅斯友人請教：「佢錄音畀我，我再記熟佢。」據知，嘉怡在大結局（3月2日）一集將以特殊身份再度登場，更會與陳豪有不少對手戲。