無綫歌唱選秀節目《中年好聲音》參賽者、UNB亞洲聯合衛視台柱之一的支嚳儀（Venus）被視為「顏值擔當」，其家庭背景同樣備受關注。原來Venus母親一直反對她入娛樂圈，年少的Venus更曾離家出走。雖然與媽媽偶然會意見不合，Venus仍不忘於訪問中公開感謝母親，並承諾會照顧媽媽，非常孝順。
UNB經驗助「贏在起跑綫」
原名謝穎的支嚳儀現年36歲，人靚聲甜的她，早年獲幸運之神眷顧而僥倖得到林主任賞識，首踏入亞洲聯合衛視（UNB TV）大家庭已相當入屋及引起關注，絕對是「贏在起跑綫」。隨著Venus去年報名參加《中年好聲音》以來再度掀起不少話題，包括她成功創業之路、其家庭及婚姻生活，都令人既羡且妒。
Venus曾在節目中首次透露，原來其母一直反對她加入娛樂圈發展，可能與擔心她「唔輸得」心態有關。然而事實上，支嚳儀參賽後未有辜負眾望，成績驕人。經歷過亞洲聯合衛視的磨練，甫上台即豔壓四方，台風魅力沒法擋之餘，更綻放出不一樣的耀眼光芒，每次都獲評判給予平均逾70分，最高更得91分，相當厲害。
對恩人林主任心存感激 同時公開答謝母恩
Venus與媽媽於早前（12日）播出的一集，一同接受製作組訪問，她沒有掩飾自己的過去，反選擇坦誠面對，並轉化為成長的動力。她說：「反叛期都有試過離家出走，搞到媽咪好傷心，諗番起都好對唔住媽咪。」
所謂「滴水之恩，當湧泉相報」，成功之路獲貴人扶持確能如虎添翼，Venus除了對恩人林主任心存感激，亦於鏡頭前公開答謝母恩，令人動容：「如果唔係有媽咪，今日就唔會有支嚳儀，媽咪用咗大半世嚟照顧我，媽咪你下半世就交畀我！」語畢兩母女擁作一團，好不溫馨。
Venus今輪比賽中選擇獻唱《If I Ain’t Got You》送給媽媽，雖然奪得82分高分，但評審的意見仍出現兩極，無非希望鞭撻Venus繼續成長進步。張佳添讚賞：「一個成功嘅藝人，要畀人認識到你係邊個。你係有自己影子喺首歌入面，你冇去學任何人唱，我聽到嘅係支嚳儀。」Eric Kwok則說：「完全Feel唔到你係唱畀你阿媽聽，反而覺得你係想講『我要叻畀你睇一次』，呢隻歌啲技巧太犀利，你個CPU係應付緊技巧上嘅嘢，但你想同媽咪講嘅嘢，我係connect唔到。」
