張致恒（Steven）與老婆區燕雯（雯雯）二人屢傳出婚變，惟雯雯今日（13日）上載Steven與兒子打保齡球的相片，加上二人被指曾在街頭互飲對方口水尾，疑似再復合成功。
Steven於2019年與雯雯結婚後誕下三子後，坊間多次傳出離婚的消息，雯雯本月初更力數Steven未有畀錢屋企，連兒子返學車資都成問題，兒子因此被逼請假，字裡行間似乎決心與Steven劃清界線。但雯雯今日於社交網站上載Steven與兒子打保齡球片段，並留言表示：「阿仔平日總是面對吵吵鬧鬧…（差不多四歲，甚麼已經懂）今日難得的親子活動，看到他的笑容了，$60半小時，黃埔。」二人似已和好。
另外，二人上周五（3日）於街頭被拍到結伴同行。當日Steven負責推BB車，雯雯則孭住細仔，一家享受天倫樂，Steven更飲雯雯喝過的盒裝飲品。不過，雯雯於事件曝後，未有承認與Steven復合，她於社交媒體表示「兩個人係咪真係能夠相處到，並唔係靠一兩個小動作，而係大家係咪同一個生存理念同方向，單一個人行動努力係冇可能照顧到一個家庭」、「有冇和好，亦唔係表面一個兩個動作就代表一切，看圖作文小朋友也懂，只可能講有小朋友嘅家庭並唔係咁簡單」。她又坦言被拍得的街頭照片，是打保齡的同日拍攝：「其實影嚟影去，都係同一日。最緊要小朋友開心，齊正，活動。其實盒檸檬茶寶寶都有份飲。」
