無綫綜藝歌唱真人騷《中年好聲音》今晚（2日）晚播出爭入八強的第六部曲《男歌女唱！女歌男唱》，其中樣子甜美、被視為大熱的支嚳儀同樣「走甜」玩型格，以中性造型挑戰Rap歌，但被嘉賓評審杜德偉批評認為未夠Powerful。
今集最吸睛的選手分別是龍婷、支嚳儀及林鉫徫，三位女唱將於本回合玩突破，曲風和造型都有別以往。經常甜笑、被戲言如賣牙膏廣告的龍婷，是集以皮褸上陣化身型爆Rock妹獻唱《特別的愛給特別的你》，「走甜」造型令人眼前一亮，主持車婉婉笑言：「見到她穿皮褸，就知大事不妙！」杜德偉大讚有驚喜：「人Show合一。」
支嚳儀以白恤衫加吊帶西褲上陣，中性打扮非常有型；今次支嚳儀除了玩跳唱《頭髮亂了》，更首度挑戰唱Rap，兼邀得好友、《聲夢傳奇2》畢業生文佐匡（Sean）創作英文Rap。雖然支嚳儀造型上令人耳目一新，惟評審似乎對她的表演不太受落，杜德偉直言：「當你做第一個動作時，我就覺得唉… 手嘅郁動唔夠大同Powerful，一開頭已經輸咗。」評判伍仲衡更直指：「唔好喺比賽度做未做過嘅嘢！」
上集轉Style玩甜美風的林鉫徫，是集改為在造型上玩突破，化上濃濃眼妝獻唱《眼色》，妖味濃兼極迷幻，表演期間她更拉咪飆高音，評判周國豐說：「見到你揀呢隻歌，覺得你癲咗，再睇埋你出嚟嘅妝，係嘩咗出嚟，但你嘅妝同首歌係Match嘅，因為件事係癲嘅。」杜德偉則大讚：「感受到你的努力同誠意，令我覺得自己都唔知唱唔唱到咁犀利，你個Range真係好闊。」
