年度影壇盛事《第41屆香港電影金像獎頒獎典禮》今晚（16日）舉行，一眾藝人悉心打扮，當中不少女星大搶「峰」頭。
憑《飯戲攻心》角逐「最佳女配角」的馬來西亞女星林明禎以裸色低胸簿紗透視長裙，展顯最強「胸」器。她受訪問時打趣反問：「我夠唔夠誠意呀？」她坦言首次着成這樣：「真係好唔慣、好驚，又低胸又透視，好似透視360度咁！」明幀又指之前睇片揀衫，覺得條裙像公主裙。她謂着起上來才知是透視着，但已趕不及選另一套衫，今日覺得着起來不自然，形容是天意。
至於未有獲任何提名的王丹妮，亦以一襲低胸水晶珠片設計的晚裝現身，露腰又露背。她指為隆重其事，故裙子是從外地運抵香港的高級訂造服，又指條裙有十多廿磅重，為穿這條裙，事前不敢吃太多。問到會否擔心條裙太重墜下而走光，她說：「唔驚，因為掛咗係條頸度。」她指做足打底措施，而這條裙是她性感極限。
憑《窄路微塵》入圍「最佳女主角」的袁澧林，以一身黑色透視紗裙公主look亮相紅地氈，胸前的蝴蝶結做出「漏奶」效果。問到是否為着戰衣而事前禁食，她坦言今日是人生中幾大場合之一，故之前有戒糖，希望着得靚些。她又謂五、六年前曾做過金像獎嘅MC，當時有人問我她同金像獎有幾遠：「覺得係北極，覺得呢個夢好遠，所以今日可以喺度心情激動。」
