馬國明於昨晚（28日）一集《法言人》以「瀑布式哭戲」強攻觀眾，喊至雙眼紅腫的他，獲網民讚「入晒戲」。
馬國明透露該場喊戲拍了兩take，一take遠鏡加一take close up，他謙稱要多謝導演及劇本：「最緊要係同導演溝通，同埋個劇本感動到我先做到呢個效果，都係台前幕後配合。」
慶幸遇好劇本
談到喊戲，馬國明指《降魔的》中入火場救金剛小儀一幕最難忘，皆因要在沒有對手加對白的情況下完成：「我要重複重複重複咁入火場，每次都要有嗰個情緒，同埋對白主要係『阿爸阿爸』，要靠自己幻想。」
他坦承初入行時確實有被喊戲考起，並指好的劇本對喊戲很有幫助：「初初入行都唔係成日喊得出，後尾累積咗經驗好啲。我覺得最緊要係劇本，我好彩都遇到好劇本，劇本畀到你嘅話喊戲就唔太難。」
