無綫藝人趙璧渝陪同妹妹趙穎琪（Gladys）現身將軍澳電視城，參與港姐第二輪面試。趙璧渝表示與Gladys揀「戰衣」，又充當「軍師」，叫妹妹保持最美笑容。
趙穎琪以一身吊帶低V連身裙到場，身材高䠷。兩姊妹合照時，Gladys畀趙璧渝高出半個頭。二人接受訪問時，趙璧渝指妹妹一直支持她，所以今次亦支持Gladys參選。她續謂因要工作，故未冇陪妹妹參與第一輪面試，Gladys今次的「戰衣」亦是兩姊妹一同挑選：「我陪佢化妝同揀最緊要大方得體，突顯到自己嘅優點。（有咩秘訣畀妹妹？）保持最靚嘅笑容，有自信去對答，做自己就OK啦！」
趙穎琪於社交網站不時大晒旅遊照，大多身穿短裙熱褲，大騷長腿，亦有不少泳衣照，大晒美好身材。此外，她又曾與張敬軒及MIRROR 成員陳卓賢一同飯聚，可見生活多姿多彩。
