《2023香港小姐競選》本周日（27日）舉行，一眾候選佳麗今午於香港仔一間酒店會晤大會評判。9號潘明璇雖然曾否認整容，但日前被自稱是其前男友公開舊照，又指她鼻、眼睛及胸部都有微調。前男友更於影片網站形容她是「病態的騙子」（pathological liar）。
對於決賽前再爆出整容之說，她承認對方是當時在新加坡拍拖約一年的男友：「一開始我有啲驚，因為我好突然點解佢會講呢啲嘢，咁多唔係真嘅嘢。」她指上月參選港姐期間，前男友寄電郵給她，讚她表現好及支持她：「我覺得好奇怪比賽前，佢會搞呢啲假新聞出嚟。（會有法律行動？）我媽咪喺新加坡搵咗律師告佢誹謗，呢啲嘢唔係真。」
Michelle續解釋相片是她自行上載到社交網站，她說：「呢啲係公開嘅相，如果我唔想畀人睇到啲相，我都唔會post喺Facebook。我細個好肥，好鍾意食嘢。之後減肥同化妝，其實真係會令人變得更靚，就唔需要整容。」提到有張鼻樑上貼上紗布的照片，她解釋是踩單車發生意外導致受傷，現時鼻樑仍有駝峰。對於網民指她pizza臉，她反駁說：「如果我真係整容，點解唔整到冇咗塊pizza臉？」
至於被指有第三者一事，她堅決否認：「絕對冇！我睇啲報道話我同屋主（出軌），我想講我完全唔識佢屋主，唔知點解佢會講。我同佢分手後，唔知佢係咪接受唔到，我都冇辨法，希望佢快啲行番出嚟。」她又謂因不是事實，未有影響參選心情，其母已將事件交給律師處理，她自己會專心比賽。
