無綫四位「愛妻號」陳豪（阿Mo）、陳山聰、陳展鵬及蕭正楠（阿蕭），為今晚（27日）港姐決賽擔任司儀，但表現被網民形容為「災難級」，他們指騷前一星期才接獲通知，陳山聰說：「我哋全部打天才波。」
《2023香港小姐競選》今晚假將軍澳電視城舉行決賽，由三大視帝陳豪、陳展鵬、陳山聰，夥拍蕭正楠擔任司儀。
四人行紅地氈後接受訪問，講到今晚是否可以奉旨睇女，山聰笑說：「今晚我哋奉旨睇稿，我哋冇乜點睇過啲女仔，記唔到佢哋16個嗰名同樣，我哋掛住份稿。」阿蕭亦場看各位佳麗，但心中都是有老婆的。問到可會擔心老婆呷醋，山聰說：「唔驚。驚就唔會放我嚟做主持啦！（太太會睇住？）我出門口都有叫我嗰仔睇。」 阿Mo則說作為司儀，希望佳麗們可以做得好一點，他們亦希望可以搞到好氣氛。至於可有心水佳麗，阿蕭指他們睇好2號黃泳嘉及17號王敏慈。
四子在鏡頭前齊齊發表愛的宣言，陳山聰表示答應老婆不會行近佳麗。蕭正楠稱不會同佳麗有身體接觸。陳展鵬說不會與佳麗有眼神交流。」陳豪笑言：「我唔會請佢哋飲咖啡。」最後四人同聲說：「我哋唔會抄牌。」阿蕭其後表示每年都會在家中睇港姐競選，陳展鵬說：「我唔係睇電視，我日日喺屋企睇住香港小姐，睇咗5年。」陳豪即說：「我仲犀利，睇足10年，仲愈嚟愈好睇，愈嚟愈鍾意睇。」
不過四人今晚啲整體表現未如理想，頻食螺絲又多甩轆，被網民批評為「災難級」。他們在完騷後接受訪問時坦言感到緊張，表示已經很久沒有這麼大的壓力了。阿蕭則笑稱：「仲可以食多啲，始終我哋唔係AI。」對於網民的批評，阿蕭指四人港姐決賽前一星期才接到擔任司儀的通知，他們沒有事先綵排，因此表現不如理想。山聰亦說：「我哋全部打天才波。」但他們仍然表示這是一個大膽的嘗試，並表示藝人就是要不斷嘗試。如果有機會的話，他們仍然願意再次挑戰。最後，蕭正楠表示，這次做司儀雖然只歷時一天，但他感覺彷如經歷過生死一樣：「一生人能夠做一次，已經好好喇。」不過他還是很樂意再次挑戰。