正懷孕的張寶兒預產期為11月，其丈夫袁偉豪（Ben）今日（7日）出席與張振朗主持的旅遊節目記者會時，表示屆時要到深圳拍攝新劇，故會向劇組請假，以免錯過重要時刻。
袁偉豪及張振朗於將軍澳電視城出席節目《歐洲鐵騎遊》記者會，分享騎電單車穿越法國、意大利、奧地利及德國，駕駛約2700公里的旅程經歷。
曾被封「地獄黑仔王」的振朗自爆在雨中「炒車」，他說：「最危險係開頭幾日，大雨到好似黑雨咁，我過一個灣位炒咗車。但好彩其他所有嘢都順利。」問到可有將此事告知家人及女友楊偲泳，振朗指不想身邊人擔心故未有通知他們，又指節目宣傳片播出後才得悉他受傷。
Ben亦坦言面對不同天氣及不熟悉路面情況，需要更具危機意識：「有個高速位整路收窄咗，我哋已經收慢車，但前面私家車突然煞停，我哋煞到車但唔知後面煞唔煞到。」他又透露拍攝期間上載片段到社交網站，問到正懷孕的太太張寶兒可有擔心，Ben說：「佢冇擔心，係佢屋企人擔心會覆我訊息。」
二人亦希望可以拍第二輯，Ben建議下次可以是亞洲地區、或從香港出發一路北上，或到絲綢之路。他們又直言希望能招募女騎士同行，問到Ben可會准許同樣有電單牌張寶兒成為一員，他笑說：「佢可以嚟協助，安排日常事宜，揸車就唔好啦！」
此外，二人將於本月底與陳山聰等人到深圳拍攝新劇《反黑英雄》預計逗留個半月。因拍攝期撞正張寶兒11月的預產期，問Ben可會屆時停工，將初為人父他謂會先向劇組請假：「因為對我同寶兒係非常重要嘅日子，攞幾日假陪佢接生安頓。（執定走佬袋未？）咁又未，都同朋友取吓經，睇吓有咩要準備吓。」他希望盡量不會影響拍攝進度，希望劇組會體諒。