HOY TV《臥底旅行團》系列自推出以來叫好又叫座，主持阿正、妹頭再下一城，今次化身臥底潛入珠海零團費睇樓團後果然中伏，不少團友僅獲安排入住平價污糟民宿之餘，他們更不惜要自行徙步幾公里轉場，引起鼓譟。果然久經風浪的臥底主持眼見勢色不對，決定出手主持公道，最終成功化險為夷。
今時今日睇樓團為吸客，行程往往包裝到好吸引，以今趟「零蚊之旅」為例，對方竟聲稱送酒店晚餐、4A溫泉及露營燒烤等環節。本著「我不入地獄，誰入地獄」的正義精神，二人決定隨團乘坐旅遊巴，從尖沙咀直駛往港珠澳口岸城，果然一落車已經有八個樓盤經紀虎視眈眈，守株待兔，阿正見狀馬上表示「自己好似待宰肥羊一樣啊」。
旅行團首站來到離口岸十分鐘車程的酒店式住宅樓盤，面積非常細，團友們自然興趣缺缺，不過阿正做戲做全套，與落力推銷的經紀聊得非常起勁，話題從單位面積、按揭安排等都非常具體細緻，阿正更乾脆要求劈價減半，成功令對方敗走。半天內參觀了三個樓盤，阿正仍一路上與經紀們聊過不停，似乎有條件問鼎未來最佳影帝。
晚飯後，阿正、妹頭就被安排上四星酒店住房，正當兩人大讚質素不俗，另一邊廂的團友已在鼓譟，大鬧旅行團主辦方「安排晒你地住好嘅，我地就住垃圾！你無咁多房就唔好接我哋啦，當我地係乜嘢啊！」。原來旅行團撞正內地長假期，酒店根本沒有足夠房間讓所有人入住，部分人要移師附近平價民宿。團友更向阿正、妹頭大呻不知名旅館「好污糟！」，過程全無車輛安排，要一班團友徙步幾公里轉場。
兩位臥底眼見團友即將釀成衝突，阿正決定主動提議「我哋六男女可以攬埋一嚿都無問題！」，從而大方讓出房間予其餘年長團友過夜，加上樓盤經紀亦願意讓出房間，成功將一場干戈化於無形。
另外，下星期日播映第四集《臥底旅行團3.0》，HOY TV落重本讓阿正、妹頭會衝出亞洲，開展浪漫歐洲之旅。