富商劉鑾雄（大劉）於昨日的記者會上指，處境劇《愛回家之開心速遞》有女藝人「笑起上來硬磞磞」。2019年港姐季軍古佩玲（Kelly）近年被指五官出現大進化，網民猜測她是「硬膠樣」嫌疑人之一。Kelly今晚現身慈善騷時否認，指只會靠化妝，不會整容。
陳展鵬、吳若希、吳業坤等今晚（11日）與《愛．回家之開心速遞》演員古佩玲、陳浚霆、姜麗文、樊亦敏等出席《善心滿載仁愛堂》節目直播。Kelly與緋聞男友陳浚霆雖然同場玩遊戲，但二人未有獲安排同組。
Kelly接受訪問時，講到《愛》劇另一演員「英進」招浩明同日與圈外女友鄭紫筠（Sophia）舉行婚禮，透露有到場觀禮，她說：「其實呢度（《善》騷）三點半開始綵排，我趕喺之前特登去婚禮現場送禮，佢（招浩明）都有話完騷過去一齊玩。」
Kelly又稱與招浩明拍攝劇集時認識Sophia，她說：「因為我哋拍《寵愛 Pet Pet》時，浩明太太都有帶住隻狗Romeo，嗰時日見夜見，所以今日見到佢哋都好感觸，見到Sophia着婚紗真係好想喊。（會唔會都想結婚？）嗰刻淨係覺得佢着婚紗好靚。」
提到劉鑾雄昨日（10日）於記者會上指出，有《愛．回家之開心速遞》的角色外貌「硬膠」，「笑起上來硬磞磞」，惹來網民猜測誰是該名女藝人。Kelly奪得港姐季軍後，近年被指五官大進化。對於被網民指是「硬膠」嫌疑人之一，Kelly稱未有留意報道，指可能是因為化妝才令人誤會：「依家啲化妝技巧咁勁，整容都係好見人見智，有人鍾意有人唔鍾意。」她強調只靠化妝，未有整容。
