發表於 
吳沚默（MoMo）及蔡潔為旅遊節目《請一日假去旅行 — 珠海篇》擔任主持，兩女於景山公園坐「衝鋒車」落山時，MoMo嚇到瘋狂尖叫，連蔡潔都話被她的尖叫聲搞到險聾。
蔡潔（左）話差啲耳聾，吳沚默個樣好似劫後餘生咁。

 

「沚蔡CP」吳沚默與蔡潔今次自駕遊珠海，負責揸車的蔡潔更是首度嘗試「港車北上」。經港珠澳大橋出發到珠海，首站兩人去到景山公園，乘搭纜車登上山頂挑戰坐衝鋒車落山體驗「極速傳說」，MoMo落山期間嗌到拆天，蔡潔笑言：「好好玩呀，以為係小兒科，原來咁正㗎喎，但我就嚟聾喇！」

 

蔡潔同吳沚默喺景山公園坐衝鋒車落山，畫面好刺激。
「沚蔡CP」吳沚默與蔡潔出海玩帆船。

 

去到珠海當然要「食好西」，珠海地膽吳沚默帶蔡潔品嚐地道Brunch，大歎海鮮腸粉和豬雜益母草湯。晚上兩人在夏灣夜市掃街後到鯨鯊館投宿，躺在帳篷中看大魚游來游去，體驗沉浸式睡眠。

 

一邊睇住大魚游嚟游去、一邊瞓覺，呢個機會唔係成日有。

 

歎Spa玩「滴蠟」

蔡潔與吳沚默又會合嘉賓徐榮與囡囡「包包」徐心怡齊齊玩轉海洋樂園，樂園除了有企鵝、海象、海豚等動物可以觀賞，還有碰碰車、過山車等機動遊戲。眾人乘坐13米高的「超級猛獁」巡遊整個園區，相當架勢。

 

徐榮同囡囡「包包」徐心怡擔任嘉賓。
大家同企鵝近距離接觸，玩得好開心。

 

兩位靚女翌日大歎「滴蠟」Spa，即是將植物精油融入大豆蠟，再燒溶作按摩原料，蔡潔與沚默選擇了青瓜薄荷磨砂Spa，Chill級享受。

 

兩位靚女Chill住歎「滴蠟」Spa，勁享受。

 

另一亮點是蔡潔與吳沚默穿上旗袍遊斗門舊街，並上演小劇場扮電影《花樣年華》，場面搞笑。

 

蔡潔同吳沚默以旗袍Look，上演小劇場扮《花樣年華》，笑爆嘴。
發表於 
熱播中的無綫劇集《一舞傾城》，官方日前發放劇集NG花絮片，蔡潔與陳法蓉姐於露台拍攝傾偈場口，期間一隻「飛天小強」突襲，並伏在蔡潔衣袖上，陳法蓉被嚇至尖叫，蔡潔則處變不驚，僅用手輕輕彈走「飛天小強」，果然是女中豪傑。另一幕見到陳星妤的戲服，意外勾住了姚子羚的衫，瞬間變成連體嬰的兩人忍不住爆笑，同場的楊明，則很有風度地幫二人解圍。
蔡潔原來係女漢子，一啲都唔驚「小強」。
姚子羚同陳星妤件衫意外勾住咗。
陳法蓉受訪時透露與唐文龍是首次合作，她說：「呢套劇除咗楊明同文凱玲，所有人都是第一次合作。同文龍合作得好愉快，他是一個好特別的演員，好多嘢佢都有自己嘅諗法，大家有商有量，同埋佢有句口頭禪，就係『傳說中嘅陳法蓉』，佢話佢好多朋友都好喜歡我，好羨慕佢可以同我合作演夫妻！」法蓉姐續指劇集賣點是「情」，她說：「除咗我同一班姊妹嘅情，我同文龍嘅一段情都好重要。劇中佢坐咗廿幾年監，後生時冇得同佢好Enjoy咁拍拖，到依家咁上下年紀，佢終於放監出嚟重聚，終於唔使隔住玻璃咁探監，嗰種重逢嘅感覺係好特別。我都有同文龍講，只要將呢種情呈現到出嚟，觀眾就會好鍾意。」
唐文龍終於出獄同陳法蓉團聚喇！
坐大髀加咀嘴，真係Sweet到暈。
讚陳法蓉主動破冰
而唐文龍則大讚陳法蓉是女神，他說：「記得第一天開工時，我在化妝間化緊妝，佢喺後面經過時好Cute咁話：『老公點呀？我哋第一次合作喎。』佢好Nice咁主動破咗冰先，令到我哋更容易互動去演啲甜蜜戲份。」提到與法蓉姐有不少親熱戲份，文龍坦言：「都有啲壓力架，始終佢都係女神，但我哋都好合拍，同埋法蓉都好快投入角色，大家可以好放心咁去發揮。」
唐文龍落下男兒淚，幸好有陳法蓉安慰。
發表於 
蔡潔於劇集《一舞傾城》中飾演的舞小姐，她表示因為甚少濃妝打扮，故開拍前參考包括鍾楚紅等多位女藝人演出的作品，又找曾在夜總會工作的朋友「教路」。
李嘉睇中咗蔡潔。

無綫劇集《一舞傾城》昨晚首播，飾演「當家第一頭牌」舞小姐Monica的蔡潔，透露為今次角色做的事前準備，向一位曾在夜總會工作的朋友請教，她說：「我捉住佢問咗好多，聽咗好多真實故事之後，令到我對角色多咗好多Connection。」蔡潔續指90年代美的標準，與現今社會大相逕庭，她事前還參考了大美人鍾楚紅的作品，她說：「嗰時鍾意濃妝艷抹，着裝比較誇張，我自己好少咁樣打扮，事前都擔心自己做唔做得到，搵咗好多當時美人嘅形象參考，其中一位就係鍾楚紅小姐，佢都演過類似角色，有搵一啲佢嘅作品參考，佢真係太靚喇。其實當你化晒妝、整晒頭換埋戲服，一行入個景就會自然代入咗個角色，好享受拍攝過程。」

蔡潔於劇中飾演「當家第一頭牌」的舞小姐。

爆李嘉係大細路
昨晚另一焦點，是李嘉欲對蔡潔霸王硬上弓的場口，更扯爛蔡潔的黑絲，畫面相當肉緊，幸好楊明及時趕到將蔡潔救出。講到這場霸王硬上弓場口，蔡潔透露：「拍呢場戲時我冇整親，反而李嘉畀張枱嘅玻璃整親，記得拍咗第一Take時佢係血流不止，大家都唔知點算好，呢個時候男人就會發揮好Man嘅魅力，佢完全係唔Care個傷口，最後好順利地拍晒。」蔡潔笑言大大隻的李嘉其實是大細路，她說：「我睇落弱質纖纖，阿嘉就好大隻，但我哋現實相處當中，佢只係細路仔嚟，性格好可愛，有時反而我仲Man啲。」

李嘉衰到出汁，捉咗一班舞小姐虐待。
李嘉對蔡潔霸王硬上弓。
李嘉拍攝對蔡潔霸王硬上弓的戲份後，搞到受傷血流不止。

此外，陳法蓉於昨晚首集出口術「大走」李嘉，救出一班姊妹，霸氣十足。講到這個場口，她笑言：「演呢場戲時，我好擔心自己夠唔夠霸氣，有冇江湖大嫂嗰種感覺，拍完之後問李嘉驚唔驚我，佢話好驚呀！原來我都有霸氣喺度，但我自己唔知。」法蓉姐續指自己跟角色一樣，都是重情義的人，並笑言自己現實比較內向，她說：「唔識我嘅人，會以為我好識得同人相處，但其實我係比較深閨同宅嘅一個人。」

陳法蓉飾演嘅角色勁有霸氣，出招擊退李嘉。

提到不少網友大讚她身材Fit到漏，她笑謂：「好多朋友都知道，我係一個淨係食同瞓嘅人，基本上係冇做任何Keep Fit嘅運動，好感謝我爸爸媽媽遺傳咗咁好嘅身材畀我。」至於保養方面，她大方分享：「用護膚品方面都幾錫自己，有新嘅護膚品推出，我都會買嚟試吓，同埋我都鍾意養生，會浸吓Spa同Keep住做Facial。」

陳法蓉話食極唔肥，果然天生麗質。