佘詩曼（阿佘）主演的台慶劇昨晚（20日）首播，演員演技及劇情引起坊間議論，惟不少新聞界中人和前新聞主播，均不約而同先後恥笑劇情與現實相去甚遠，當中包括前無綫新聞主播麥詩敏、陳嘉倩、王俊彥及前主播張宏艷。
無綫台慶劇《新聞女王》自上周末在內地首播後掀起連番熱話，接連登上內地微博熱搜榜。劇集昨晚於翡翠台首播後，多名「真新聞女王」紛紛開腔，狠批劇集不少情節完全脫離現實、bugs太多，令人不禁質疑監製及編劇事前有無做好基本功課。
曾因一句「中東呼吸綜合症」 口誤被取笑多年的前無綫新聞女主播麥詩敏，看完劇集後，在Instagram限時動態中公開指電視劇離地，反駁不少重要細節。她認為現實生活中的主播並不會出現劇中的那些情況，如劇中的「廠內專人補妝帶耳機」和「臨出街前30秒企起身話唔讀要脅上司」這兩種情境，她都表示「偷笑」，說這些都是誇張的劇情。特別是，真正的主播在直播前，有時連化妝的時間都沒有，哪有閒工夫慢悠悠地帶耳環呢？
已移居英國的前無綫主播姚雋彥帖文指：「CREW車係寶馬，呢個電視台新聞部咁富貴，我搭開HIACE㗎咋！做Live都有稿讀，Add Lip兩句講埋鋪毛（Promote）就收工，呢份工真係易做。」
王俊彥更分享當年做新聞主播的照片，寫道：「有觀眾真心PM問我有無睇，我實在完全唔知原來有套香港劇講『新聞』，真係唔夠update。佢好雀躍：『唔係呀，comment 下究竟有邊啲真、邊啲假吖嘛！』又話因為套劇search返我啲片，到底係點（呢位觀眾好認真呀）好似話入面好多都誇張咗，戲劇效果呢家嘢係需要嘅我諗，但早幾年入面就肯肯定比戲劇，更加戲劇喇！ 老細房掟搖控、被篤灰質問、WhatsApp 罵戰、山頭politics，劇本呢啲寫唔到喇… …」
馬國明同佘詩曼喺劇入面針鋒相對、句句有骨。 李施嬅演出獲讚似足真記者。 前總主播張宏艷也在社交平台以不開名方式，批評劇中新聞主播太得閒，返工無嘢做，只有權鬥，令她不禁睇到反白眼。
張宏艷寫道：「每晚回家，皆聽到震耳欲聾的電視劇，聽力退化的家母必定慣性地收看電視劇。全家人池魚之殃，被逼聽/看近期這一套毫無事實基礎、個個勾心鬥角、講數多過做嘢、耗時互寸互「睥」、返工無嘢做只係權鬥的劇集。今晚，又見到劇中人花大量時間坐在化妝間地板哭訴，互相指責。 到底有無做基本資料搜集？新聞部秒秒都趕，浪費咁多時間竟不快些出去趕故仔？看到火滾，不斷反白眼反到去背脊，為了避開聲浪，索性出門吃糖水，花錢促進夜經濟！＃劇中人真係好得閒＃現實中點會口水多過浪＃咁筍工作歡迎介紹俾我」
「小飛俠」林燕玲亦談及有人幫主播戴耳機之事，她發文：「主播真的有人幫忙帶（戴）耳機？視情況而定，幕後的工作人員通常會互相合作、互相支持。」林燕玲又透露主播工作忙碌，有很多前期工作要準備。
雖然劇集被新聞界多名著名前主播一面倒狠批，但仍有個別網民讚兩位女主角佘詩曼及李施嬅演技到家。除讚佘詩曼主播Tone幾可亂真，又指李施嬅似足跑現場的傳媒。另外，有網民認為首集劇情緊湊、具戲劇效果。
首集甫一開始片頭以「小劇場」代替主題曲，突顯故事角色或人物背景。第一集小劇場主角是飾演新聞總主播的「Man姐」佘詩曼，約四分鐘將Man姐高冷、果斷及有智慧的女強人人設立體展現，先後收服老闆級的鄭啟泰及熱血學生郭柏妍，尤其反問郭柏妍的數句更是句句啜核：「觀眾望住個畫面就決定轉台定繼續睇落去，你有冇把握黃金七秒？」、「想做主播淨係有記者Sense 唔夠㗎喎」。
小劇場一開始，阿佘即展現驚人氣勢。
佘詩曼飾演的「Man姐」在新聞裏隻手遮天，儼然一副女王風範。坐在主播台上的阿佘，劇中主播Tone令人驚艷，無論神態、聲調、語速均甚為像真，阿佘受訪時透露一早開始做功課：「開拍前大半年我已經睇緊劇本，當時亦開始做功課練聲，睇咗好多唔同國家新聞主播報新聞，睇吓邊種演繹方式啱Man姐。」對於對白又長又涉及大量專業名詞，阿佘笑言由於當時要每天密集式開工，故絕對是大挑戰：「我每日拍十幾場戲，工作量大又多嘢記，每日收工返到屋企好似打完一場仗咁，不過自己都享受呢種成功感。」
阿佘主播Tone幾可亂真，她受訪時亦坦言花了不少功夫。
前新聞主播麥詩敏公開反駁劇集情節。（麥詩敏 IG 圖片） 做突發新聞報道都可以慢慢戴耳環。
