資訊節目《東張西望》派出主持就社會熱話進行外景拍攝，不時會遇上情緒不穩者激烈回應甚至大打出手，正進行拍攝工作的節目組攝影師日前（16日）早上報案，指在葵涌德大徑與一男一女爭執，疑及後被對方襲擊壓住打及毀壞攝影機，遇襲51歲攝影師手部和背部受傷，身上並有咬印。警員到場後，分別以涉嫌刑事毀壞及襲擊致造成身體傷害及普通襲擊，拘捕70歲男子及66歲女子。
事發時攝影師據悉正追訪疑售賣過期食品的路邊女檔主，婦人拒絕受訪後離開現場折返住所，攝製隊繼續尾隨追訪至大窩口邨富秀樓大堂內。李婦與攝製隊口角，其間曾手推涉事攝影師。攝製隊未有因此放棄，決定折返德大徑，此時檔主的友人疑不滿攝影師窮追不捨，用行李箱手柄襲擊攝影師後逃走，被攝影師上前追截，至隧道內截停羅翁，雙方糾纏。
片中攝於一條行人隧道，黑衫男子把《東張西望》攝影師壓在地上，主持區永權在節目中表示攝影師手持的攝影機及手機均被毀壞，透露警方就事件拘捕一男一女。」陳庭欣亦補充攝影師情況：「受傷攝影師當時被送到醫院接受治療，亦同我哋報咗平安㗎啦。」
《東張西望》拍攝遇險的事故可謂接二連三，節目前日（15日）報道一名婆婆疑把30多個行李箱放滿深水埗公園及後巷，外景主持廖倬竩（Ivy）上前了解及主動提出幫助時，被婆婆大吼及用地拖作勢打人，雙方僵持數秒後，Ivy及攝製隊離開。
「東張女神」廖倬竩前日報道一名婆婆將30個行李箱放滿深水埗公園及後巷嘅事件，喺上前了解時遭到婆婆不禮貌對待，婆婆首先大吼「搵第二個啦！唔該你，搵第二個呀！唔該你，唔好騷擾我呀！」 之後，廖倬竩打算表明來意，但被婆婆拒絕：「唔好嗌呀！走呀！」，婆婆其後再拎出地拖步步進逼，廖倬竩及攝製隊唯有不停後退，廖倬竩向婆婆表示：「其實我哋係想幫你嘅啫」，婆婆最終都冇透露情況，所以佢哋只好離開。
事後，廖倬竩亦有喺社交網站分享感受：「我嗰日驚到有啲手震… 婆婆情緒唔係好穩定，氣沖沖咁攞住把地拖就向我哋嘅頭揈… 當時好聲好氣咁樣同個婆講嘢都冇用。」不少熱心網民留言慰問，「睇見都驚 小心些 加油」、「其實已反映弱勢給公眾去關注, 已幫到了, 只是阿婆不明白你們的苦心！」、「最緊要保護好自己」及「小心安全ar」等等；不過亦有網民不認同節目組做法，留言話「其實如果想幫人，有冇諗過人哋想唔想上鏡，或者咁高調？唔係個個窮人都唔需要面子。」及「你個節目恰啲孤獨老人就叻」等等。
另外，前主持利穎怡曾採訪「老鼠屋」業主，追訪期間亦曾被人用手推車襲擊及「批踭」。