1996年八仙嶺一場嚴重山火，奪走3名學生和2名教師的性命，山火成因及圍繞生還者之一張潤衡在案中的角色，成了公眾極具爭議的議題。事件轉眼近30年，隨著TVB播出節目《真相猜．情．尋》探討，事件再度浮上水面成為焦點熱話，拒絕受訪的張潤衡，近日透過社交平台Facebook再回應事件，反擊多位網民的留言指控，強調自己並非山火的始作俑者。一番唇槍舌劍後，張潤衡最終宣布，將暫停回覆所有留言。
節目《真相猜．情．尋》中透露，張潤衡原本都有跟採訪隊會面，惟後來至商量拍攝時間時，張聲稱經與家人商量後決定拒絕接受訪問，只表示「事件對參加者同家屬，造成無法磨滅嘅傷痛，唔希望喺呢個議題上再受訪，作為事件嘅親歷者，選擇以自己嘅方式紀念同尊重呢段歷史。」
方東昇於節目結尾時，引用張潤衡早年訪問中提及的名句，稱：「如果搵到答案，但無汲取教訓，歷史遲早重演，悲劇只會再臨，到時或者會真正應驗一句話：真相，畀你搵到又點呢？」
不少網民近日再到張潤衡的專頁上留言質問，張潤衡亦於網上以千字文親回，指：「嗰句說話係畀網絡cap圖出嚟斷章取義」，續透露山火當時也不知道情況：「坐咗喺度玩gameboy ，聽到老師叫我走，我就即刻走」，更反問：「我都唔知真相，我點樣回答？」他坦言自己不懂「公關」：「真係唔明啲乜嘢面對傳媒對答問題」。
張並強調自己從來沒有答應受訪。「唔會睇佢呢個節目，夾硬喺節目度話我應承咗佢。」表明是另一位主持人李嘉嘉致電給他，他也拒絕。「佢要約我傾幾句，得，我就約咗佢諗住傾幾句。點知佢帶晒成隊人過嚟，事前完全無通知過我。呢啲嘢你哋又知咩？」
網民繼續發炮，質疑「烈日當空gameboy根本反光乜都睇唔到」、「何不上節目澄清」、「作為受害者怎會不想尋求真相」，張反問「點解我要去承認一樣自己冇做過嘅嘢呢？」，他強調，自己過去20多年來一直默默利用自身能力幫助有需要人士，並澄清「我從來冇cap水。」也並非為「回饋社會」才做好事。
張潤衡最終在Facebook發文，宣布將暫停回應所有留言。他解釋過去大半天他花大量時間回應部分留言，主要因「一些不實指控已經困擾了我十年，我覺得有必要澄清一些無理和被歪曲的說法」。他表示從即刻起暫停回覆所有留言，專注於現實生活中的責任。他亦透露已安排同事幫忙跟進，並強調「所有帶有冒犯性和滋擾性的留言會被舉報和封鎖」。
奪命大火後曾召開死因庭，裁定「起因必屬人為，禍根源於學生吸煙或攜帶打火機」，但不肯定究竟是學生遺下未熄煙蒂，抑或玩火肇禍。
對於張潤衡的指控，TVB回覆稱：「本台一向秉持真實報道為原則，節目亦按專業守則嚴謹製作，對於個別言論，本台不作進一步回應。」