【立會追蹤】港立會近百人「實習」做「任何仁」

香港消防處的「任何仁」角色街知巷聞，今次更踩入立法會，教授心肺復甦法及體外心臟去纖顫機（AED）用法，近百人出席。香港立法會主席梁君彥仲話，參加人數眾多，反映連議員都覺得立法會工作屬於高危，有必要學定急救知識咁話。

隨住「左手，右手，直手，擺心口，1234，1234…」的「洗腦」歌聲響起，參與示範的議員都全情投入，不過唔知係咪投入得滯，即使主持多次提醒留意心外壓速度，議員劉國勳仍特別落力，以奇快的速度做心外壓。在場人士無不擔心，萬一遇上劉國勳幫自己急救，都唔知係好事定壞事咯。