懷有第三胎的鍾嘉欣日前在社交網站開直播，大談近況和湊仔經，更分享孕期和坐月用保健食品。嘉欣在直播中容光煥發，皮膚亦很滑溜，期間她透露今次誕下第三胎後便會「封肚」，實行三個就夠晒數！
鍾嘉欣下嫁脊醫老公後，先後誕下大女Kelly和二仔Jared，今年再懷第三胎，早前她公開披露肚裏佗着的是位小千金。鍾嘉欣在直播中自言心情緊張：「可能第一胎咩都唔識，好勇敢，反而第三胎有少少緊張，而Kelly同Jared非常興奮，兩個小朋友討論緊邊個幫妹妹換片，邊個負責餵奶，邊個嚟幫我，佢哋好期待同妹妹玩。我哋好期待一家五口嘅生活，冇諗過咁快由一家四口變成五口，要重新適應新成員加入。」
嘉欣又透露第三胎會跟以往一樣選擇順產、在家中自然分娩，而她亦宣佈生完第三胎後「封肚」，故此今次懷孕她特別拍家庭照留念。鍾嘉欣又指最近每天都排到密密麻麻十分忙碌，一邊要為新成員準備所需用品，另一邊廂又要安排Kelly和Jared返學所需東西：「已經準備好BB需要嘅用品，其實每一日真係好忙碌，都會好攰好攰，但係一切都係值得嘅。」
鍾嘉欣又表示今次直播後，會專心照顧三名子女，因為要照顧兩個小朋友已經不易，要照顧三個小朋友，對她來說是新挑戰，預計「生命又再翻轉一次」，所以要過一段時間後才再跟大家見面。