由三大人氣新星陳毅燊（ANSONBEAN）、吳家忻（Kayan9896）及林千渟主演的Viu Original首部香港本地原創劇《#她和她的戀愛小動作》，周五（7日）在「黃Viu」獨家上架。
劇中不時調教男友ANSONBEAN的「野蠻女友」Kayan笑言，今次飾演「Hayley」的角色不但刁蠻潑辣、更有公主病。不過她竟自認與角色相似：「相似嘅位唔係我有公主病，而係一樣直接、有啲不修邊幅，同埋有啲麻甩。」談到兩位好拍檔，家忻即時大讚「男友」做事認真：「ANSONBEAN拍攝時真係搵命博，每次都會交足100%，成日都會整親自己。」
Kayan也透露與「文青美女」千渟私下份屬好友，二人於《#她和她的戀愛小動作》中飾演同居密友，千渟形容二人角色性格迥異：「Hayley（Kayan飾）完全唔怕社交，而我就比較內斂，雖然好想拍拖，但係只會收埋喺心入面。」二人即使初次合作，仍然相當合拍！
千渟於劇中慘被花心男狠撇，後來在室友的鼓勵下開拓社交圈子，卻遇上千奇百怪的男生，其中千渟對凌文龍（小龍）和岑珈其尤其印象深刻：「小龍係一位非常有經驗嘅演員，所以同佢合作，我好信任同放鬆；珈其本身好搞笑，我最難忘嘅一場戲就係同佢喺北角食炸大腸，佢好幽默、大家產生好多火花，所以特別開心。」
ANSONBEAN在《#她和她的戀愛小動作》飾演陽光暖男、溫柔貼心的「忠犬系男友」，亦是劇中的「搞笑擔當」！據悉，他包辦了劇中大量笑點，獲封「劇組開心果」。他也自認愈演愈放開：「我最深刻嘅場面係開辣椒醬樽，因為我嗌到好大聲！拍完嗰場戲之後，我嘅角色開始走搞笑路線，角色嘅表現亦都愈來愈誇張！其實劇入面好多笑位都係我自己加入去，加上兩位導演好有諗法，有時會突然加啲動作同對白，令成件事搞笑咗幾倍。」
《#她和她的戀愛小動作》劇集以十個戀愛小動作為題，講述現代都市男女的戀愛故事，率先在「黃Viu」上架，並同步於東南亞、南亞、中東及南非等不同地區透過OTT平台上播出，萬勿錯過！